Një vrasës i dënuar, i cili ushtroi veten se si të kuptonte matematikën e përparuar, zgjIdhi një problem të lashtë nga qelia e tij e burgut.
Christopher Havens pasi braktisi shkollën e mesme, “doli nga binarët” dhe u bë trafikant droge. Ai u dënua në vitin 2011 me 25 vjet burg për vrasje, ndërsa në qeli gjeti pasionin e tij për matematikën dhe tani shpreson të frymëzojë të tjerët, ku këtë arritje ia dedikoi viktimës së tij.
Aktualisht ai ka filluar “Projektin e Matematikës së Burgut” për të ndihmuar të tjerët të gjejnë pasionin e tyre në jetë. Kur Havens po përpiqej të studionte disa libra shkollorë, ai vendosi t’i shkruante një letër një profesori të matematikës në Umberto Cerruti nga Torino, Italia veriore, i cili i dha detyrën për të zgjidhur një problem, duke u përpjekur kështu të testonte aftësitë e tij.
Pas ca kohësh, Umberto Cerruti në Torino mori përgjigjen me postë: një copë letër 120 centimetra të gjatë me një formulë tepër të gjatë të shkruar mbi të. Cerruti së pari duhej të fuste formulën në kompjuterin e tij për të kontrolluar se çfarë i kishte dërguar i burgosuri: Havens i kishte zgjidhur detyrat në mënyrë korrekte.
Profesori i matematikës në Torino më pas ftoi Havens që ta ndihmonte me një problem të lashtë matematikor që matematicienët nuk e kishin zgjidhur dot dhe vetë Cerruti ishte përpjekur ta zgjidhte për një kohë të gjatë.
Duke përdorur vetëm stilolaps dhe letër, Havens punoi për një kohë të gjatë me problemin nga teoria e numrave që përfshin të ashtuquajturat fraksione të vazhdueshme, mbi të cilat matematikani i lashtë grek Euklidi kishte shprehur të gjithë dijet e tij.
Një fraksion i vazhdueshëm është një fraksion i përzier në të cilin emëruesi ka edhe një herë formën e një fraksioni të përzier, me këtë strukturë që vazhdon drejt pafundësisë. Thyesat lidhen kështu së bashku.
Kjo teori numrash përdoret në kriptografinë moderne, e cila ka një rëndësi vendimtare sot në bankë dhe financa dhe në komunikimet ushtarake.
Havens zgjidhi enigmën matematikore shekullore për herë të parë.
Cerruti ndihmoi Havens të formulonte provën në një mënyrë shkencore të saktë, dhe disa muaj më vonë, në janar 2020, të dy ata e botuan atë në revistën Research in Number Theory.
Kjo ishte tashmë një arritje e madhe.
Por i burgosuri Havens jo vetëm që zgjidhi një problem të lashtë të matematikës: Ai gjithashtu arriti të frymëzojë një grup të burgosurish për botën e numrave përmes pasionit të tij. Një klub i rregullt matematikor është formuar që atëherë në burg.
Ndër të tjera, Havens feston 14 Marsin çdo vit me 14 shokët e burgosur në klub si “Dita e Pi”, e quajtur sipas konstantës së mirënjohur matematikore shpesh të përafruar si 3.14.
Umberto Cerruti nga Torino ishte gjithashtu në gjendje të merrte pjesë në një nga këto festime të pazakonta nën masat më të rrepta të sigurisë.
Gjatë 16 viteve të mbetura të dënimit të tij me burg, Havens dëshiron të vazhdojë të studiojë tema të tjera matematikore. Ai mendon se bërja e matematikës është një mënyrë që ai të paguajë “borxhin ndaj shoqërisë”.
Dhe ndoshta historia e tij e pazakontë e jetës ia vlen të kthehet në një film Hollivudi.
Në një intervistë për CBC, për dashurinë e tij për matematikën, Havens tha: “Ne duhet të jemi në gjendje të bëjmë ndryshime personale brenda nesh, pas të gjitha problemeve që jeta të ofron. Matematika me ka ndihmuar të ndryshoj jetën. ”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
