Hyn në funksionim pajisja që do të pastrojë plastikën në oqean
Përditësuar së fundmi: 03/10/2019

Hyn në funksionim pajisja që do të pastrojë plastikën në oqean

Share
nga Ornela Trupja
Tet 03, 2019

Një sistem i madh i cili u krijua për mbledhjen e mbetjeve plastike në Oqeanin Paqësor, më në fund po funksionon siç duhet. Ky lajm u bë i ditur në një deklaratë zyrtare, të bërë nga shpikësi i kësaj pajisje.

Pajisja është në gjendje të kapë dhe të mbajë mbeturina që kanë madhësinë e pajisjeve të mëdha të peshkimit, të njohura si “rrjeta fantazmë”, deri te mikroplastikat e vogla që janë 1 milimetër.

“Sot, unë jam shumë krenar të ndaj me ju që tani jemi duke pastruar plastikën nga oqeani”, tha themeluesi dhe CEO i Ocean Cleanup Boyan Slat në një konferencë shtypi në Roterdam.

Lexo: Oqeani është shumë i ndotur. Adidas synon të shesë 11 milionë atlete nga plastika e ricikluar

Sistemi i Pastrimit të Oqeanit është një mjet në formë U-je që qëndron nën sipërfaqen e ujit. Ajo lëviz sipas rrymës së ujit dhe mbledh plastikat, të cilat janë në lëvizje. Peshqit dhe kafshët e tjera të ujit do të jenë në gjendje të notojnë nën të.

Pastruesi i Oqeanit do të jetë në gjendje të zvogëlojë sasinë e plastikës në planet. “Tashmë ne kemi një sistem të vetëpërmbajtur, i cili synon të pastrojë oqeanin nga ndotja e plastikës. Por, ende ekzistojnë disa pengesa që duhen kapërcyer përpara se të arrijmë të përmirësojmë sistemin”, tha Slat.

CNN