Hidheni kompjuterin. 99% e shqiptarëvë përdorin smartphonë për të hyrë në internet » Business Magazine Albania – Media Dixhitale dedikuar Sipërmarrjes
Përditësuar së fundmi: 15/11/2019

Hidheni kompjuterin. 99% e shqiptarëvë përdorin smartphonë për të hyrë në internet

Share
nga Admin
Nën 15, 2019
Business Magazine Albania constitutes an online periodical publication of business related articles. It is the first of
lexo me teper >

Gjatë këtij viti, gati 69% e popullsisë në moshën 16 – 74 vjeç përdorin internet. Mbi 87 % e tyre e përdorin atë çdo ditë. Sipas anketës së INSTAT për Përdorimin e Teknologjisë së Informacionit dhe Komunikimit (TIK) gati 99 % e individëve të moshës 16 – 74 vjeç kanë përdorur aparat celularë/telefona smart për të hyrë në internet.

Ky tregues u rrit 5 pikë përqindje krahasuar me vitin 2018. Sipas studimit 23,7 % dhe 6,8 % e popullsisë në studim e përdorin internetin nëpërmjet laptopit dhe tabletit. Edhe këto tregues kanë pësuar rritje ndaj një viti më parë, respektivisht 8,5 dhe 1,1 pikë përqindje.

Ndërkohë, pothuajse të gjithë përdorin WhatsApp, Viber, Skype. 92% e qytetarëve të anketuar kanë pohuar përdorimin e tyre.

Familjet me akses në internet

Përqindja e familjeve shqiptare që kanë akses në internet në vitin 2019 është 82,2 %, krahasuar me 80,7 % një vit më parë. Më shumë se gjysma e familjeve (57 %) kanë akses në internet me rrjet broadband (rrjet optike ose kabllor, ADSL, etj.). Përqindja e familjeve me akses në internet nëpërmjet lidhjes “mobile broadband” (telefona smart 3G ose 4G, tablet, etj.), është 88,9 %.

Përdorimi i TIK nga grupmosha 16 – 74 vjeç

Individët e moshës 16-74 vjeç që kanë përdorur internetin në “tre muajt e fundit” nga momenti i kryerjes së intervistës në vitin 2019, janë gati 67 % e popullsisë përfshirë në studim, ose 6% më shumë se një vit më parë.

87% e të anktetuarve e përdorin shpesh internetin (çdo ditë/pothuajse çdo ditë) dhe 11,5 % (të paktën një herë në javë).

Aktivitetet kryesore që kryhen nëpërmjet internetit janë: kërkimi i informacionit për mallrat dhe shërbimet (për 50,2 % të përdoruesve të internetit), marrja ose dërgimi i email (32,5 %), shikimi I filmave në internet, (live ose të ruajtura online 38,2 %).

 



Evente

Zgjidhje, Vetëm me një klik!

Dhjetor 11, 2019
6 PM – 8 PM

Një hap drejt Suksesit!

Dhjetor 14, 2019
09:00 - 17:00