Harley-Davidson, jashtë SHBA – Tarifat e Trump detyrojnë ikonën amerikane të zhvendosë prodhimin

Harley-Davidson, jashtë SHBA – Tarifat e Trump detyrojnë ikonën amerikane të zhvendosë prodhimin


Harley Davidson deklaroi se do të nisë zhvendosjen e prodhimit jashtë SHBA për të zbutur ndikimin e tarifave të Bashkimit Europian.

Deklarata është e para nga një kompani ikonë amerikane që reagon ndaj konfliktit tregtar dhe hedh poshtë pretendimet e Donald Trump se do të mbrohen vendet e punës duke prezantuar tarifa.

Në kundërpërgjigje të tarifave amerikane ndaj çelikut dhe aluminit, BE reagoi duke penalizuar 3 miliardë dollarë mallra amerikanë, përfshirë uiskin, jahtet dhe motoçikletat.

Tarifat europiane për motoçikletat e prodhuara në SHBA u rritën në 31% nga 6%, deklaroi Harley Davidson në një formular që paraqiti te Komisioni i Bursave dhe Letrave me Vlerë SEC.

Asnjë njësi prodhimi nuk do të shkojë në Europë prej tarifave sipas kompanisë. Fabrikat e prodhimit të Harley jashtë SHBA, ndodhen në vende si Brazili, India, Australia dhe Tajlanda. Kompania bëri të ditur se nuk do të rrisë çmimet, por pret një kosto shtesë prej 2,200 dollarë për motoçikletë, që eksportohet nga SHBA në Europë.  Presidenti Donald Trump tha se ishte surprizuar nga vendimi i Harley.

“Për t’i bërë ballë barrës tarifore në afat-gjatë, Harley Davidson do të zhvendosë prodhimin e motoçikletave që destinohen në BE jashtë Shteteve të Bashkuara”, deklaroi kompania.

Aksionet ranë me rreth 6% ditën e Hënë, në rënie me 18.3% deri më tani për vitin. Harley ka shitur 40,000 motoçikleta vitin e kaluar në Europë, që është 16% e shitjeve totale dhe tregu më i madh jashtë Shteteve të Bashkuara.  Sipas analistëve, tarifat e BE pritet të reduktojnë fitimet e kompanisë me 5-8%.

Trump e ka falënderuar publikisht Harley Davidson në të shkuarën për qëndrimin brenda SHBA dhe ka kritikuar kompanitë e tjera që kishin zhvendosur prodhimin jashtë.

Burimi: Skan TV

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0