Dhjetëra udhëheqës botërorë dhe qindra zyrtarë publikë përdorën parajsat tatimore për të fshehur pasuritë me vlerë qindra miliona dollarë, ka zbuluar një hetim masiv.
“Pandora Papers” bazohen në dokumentet e rrjedhura në Konsorciumin Ndërkombëtar të Gazetarisë Investigative (ICIJ) dhe ekspozojnë marrëveshje të dyshimta të mbretërve, presidentëve dhe kryeministrave, përfshirë Mbretin e Jordanisë Abdullah II, Kryeministrin çek Andrej Babis dhe Presidentin Kenian Uhuru Kenyatta.
Të dhënat e rrjedhura vijnë nga 14 firma shërbimesh, të regjistruara në parajsa fiskale, nga Vietnami në Belize deri në ishujt Caychel.
Lexo: Korporatat shumëkombëshe po paguajnë më pak taksa se sa pjesa tjetër e popullsisë
Kush ishte prapa saj?
ICIJ-një rrjet reporterësh dhe organizatash mediatike nisi një përpjekje dyvjeçare për të kontrolluar 11.9 milionë dosje konfidenciale të zbuluara, të ndihmuar në atë përpjekje nga më shumë se 600 gazetarë nga 150 media.
Ekipi gjithashtu verifikoi informacionin nga ngarkesa prej 2.94 terabajt, duke e referuar atë në regjistrat publikë nga dhjetëra vende.
ICIJ zbuloi se dokumentet ishin të lidhura me më shumë se 330 politikanë dhe zyrtarë publikë, përfshirë 35 udhëheqës kombëtarë aktualë dhe ish, në më shumë se 91 vende dhe territore.
A janë kompanitë në parajsa fiskale të paligjshme?
Krijimi i kompanive në parajsa fiskale për të bërë biznes nuk është në vetvete ilegal, theksoi ICIJ, pasi disa njerëz mund të kenë arsye legjitime për t’i mbajtur financat e tyre të fshehta.
Por, subjekte të tilla shpesh janë provuar të jenë tërheqëse pasi mund të lehtësojnë evazionin fiskal dhe pastrimin e parave.
Zbulime të tilla nuk janë më pak një siklet për udhëheqësit që mund të kenë bërë fushatë publike kundër shmangies së taksave dhe korrupsionit, ose kanë mbrojtur masat shtrënguese në shtëpi.
Cilët janë personat e përmendur në letra?
Ndër individët domethënës të përmendur janë Mbreti i Jordanisë Abdullah II, i cili pretendohej se kishte përdorur llogari offshore për të shpenzuar më shumë se 100 milionë dollarë në shtëpi luksoze në Mbretërinë e Bashkuar dhe SHBA.
Ditë përpara zgjedhjeve parlamentare të Republikës Çeke, 8-9 tetor, dokumentet thuhet se e lidhën kryeministrin e vendit, Babis, me një pronë sekrete prej 22 milionë dollarësh në një fshat në majë të kodrës pranë Kanës, Francë.
Gazetat gjithashtu renditën Presidentin e Kenias Uhuru Kenyatta dhe nënën e tij si përfituese të një fondacioni të fshehtë në Panama.
Përveç politikanëve, figurat publike të ekspozuara përfshinin këngëtaren kolumbiane Shakira, supermodelen gjermane Claudia Schiffer dhe ish-kapitenin e kriketit indian Sachin Tendulkar.
Skandali edhe në Shqipëri
Superskandali i Pandora Papers nuk ka lënë pa prekur as Shqipërinë. Një hulumtim i thjeshtë në faqen që ka publikuar të dhënat tregon se një politikan shqiptar ka fshehur pasuritë e tij jashtë kufijve duke investuar përmes parajsave fiskale, por emri i tij nuk bëhet publik. Po kështu, zbulohen të dhëna të 27 mijë kompanive, 13 nga të cilat në vendin tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
