Hapet korridori ajror mes Kosovës dhe Shqipërisë

Hapet korridori ajror mes Kosovës dhe Shqipërisë

korridori ajror
~2 minuta lexim

Albcontrol dhe Agjencia e Shërbimeve të Navigimit Ajror të Kosovës (ASHNA), kanë nënshkruar sot një Letër -Marrëveshje për koordinimin e trafikut ajror midis Tiranës dhe Prishtinës. Marrëveshja është lidhur në kuadër të projektit “Mbledhja për Normalizimin e Aviacionit të Ballkanit” (BANM), të udhëhequr nga NATO.

Për herë të parë që nga pas lufta është hapur korridori ajror ndërmjet Kosovës dhe Shqipërisë, falë një marrëveshje që është arritur sot ndërmjet Agjencisë së Shërbimeve të Navigacionit Ajror (AShNA) dhe Albcontrol.

Lexoni: Air Albania rifillon fluturimet me Stambollin

Tani e tutje, qytetarët e Kosovës dhe ata të Shqipërisë, të cilët do të udhëtojnë nga vende europiane do të kenë më të shkurtër rrugën ajrore për 15 deri në 20 minuta. Kjo ul koston e harxhimeve të kompanive dhe ndikon direkt në uljen e çmimit të biletave. Ky shkurtim i rrugës vjen pas nënshkrimit të marrëveshjes Kosovë-Shqipëri për hapjen e korridorit ajror ndërmjet këtyre dy vendeve.

Shqipëria do të mund të shfrytëzojë korridorin ajror të Kosovës dhe anasjelltas.

Me këtë marrëveshje u krijohet mundësia operatorëve që të mendojnë për funksionalizimin e linjës ajrore Kosovë –Shqipëri, e cila ka kohë që nuk është funksionale, tha drejtori i ASHNA.

Për shkak të mungesës së kësaj marrëveshjeje, në linjën ajrore Kosovë-Shqipëri, që ka funksionuar një kohë të shkurtër pas luftës në Kosovë, është dashur që një aeroplan nga Shqipëria për të arritur në Kosovë të kalojë nëpërmjet Maqedonisë së Veriut.

Me këtë rast, ASHNA falënderon të gjithë partnerët, e në veçanti autoritetet e NATO-s dhe KFOR-it, që kanë lehtësuar këtë arritje dhe vazhdojnë ta përkrahin zhvillimin e aviacionit civil në Kosovë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Përshtatu ose hiq dorë.”
— Andy Grove
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0