Y Combinator është një nga akseleratorët më të njohur të startup-eve në botë. Tani po lançon një event për të trokitur në pishinën e talenteve të pre-startup-eve.
I quajtur YC 120, konferenca e re do të mbledhë 100 të pranishëm të rinj së bashku me 20 udhëheqës biznesi dhe të teknologjisë për një fundjavë në fund të Prillit në Kolorado, në datat 26-28 Prill.
Qëllimi i kësaj konference është për të gjetur persona të talentuar, Elon Musk e ardhshëm. Persona krijues, të cilët po bëjnë një punë fantastike në fushat inovative dhe u japin atyre një mundësi për të filluar të krijojnë rrjetin e tyre. Duke vepruar kështu, YC shpreson të inkurajojë njerëzit, të cilët mund të ndihen nën presion për t’u bashkuar me kompani të mëdha ose të punojnë në ide më konvencionale për të ndjekur idetë e veta.
A jeni të interesuar në modifikimin e gjeneve? Përdorimin e teknologjisë për të përmirësuar demokracinë dhe kthimin e debatit të bazuar në fakte? Më në fund keni zgjidhje në lidhje me fizikën? Ndërtimin e një kolonie në hapësire? etj, atëherë kjo është mundësia juaj.
Y Combinator është duke marrë disa hapa për të bërë debutimin e konferencës sa më gjithëpërfshirës. YC do të mbulojë shpenzimet e udhëtimit dhe akomodimit për pjesëmarrësit, të cilët aplikojnë përmes një video 1-minutëshe që i pyet ata rreth interesave të tyre:
- Për çfarë jeni të interesuar dhe për çfarë po punoni?
- Çfarë keni bërë deri tani që tregon potencialin tuaj për madhështi, përshtatur për çfarëdo rrethane jetësore në të cilën keni lindur?
- Çfarë doni të thuhet në nekrologjinë tuaj?
Pjesëmarrësit gjatë eventit do të mund të përshtaten me të tjerët, të mblidhen në grupe të vogla me udhëheqësit e pranishëm, të marrin pjesë në aktivitete dhe lojëra në grup.
Në eventet e YC 120 pritet që të aplikojnë disa nga startup-et më të mira dhe të zbulohet çdo vit nga një Elon Musk i ri.
Aplikimet tani janë të hapura. Ju mund të aplikoni këtu. Afati i fundit i aplikimit është data 18 Shkurt në orën 23:59.
Për më shumë informacion klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
