Verkada, një kompani start-up në Silicon Valley që ofron shërbime të kamerave të sigurisë ka pësuar një sulm nga hakerat. Hakerat kanë sulmuar më shumë se 150,000 kamera të kompanisë, duke përfshirë kamerat në fabrikat dhe depot e Tesla, zyrat Cloudflare, palestrat Equinox, spitalet, burgjet, shkollat, stacionet e policisë dhe zyrat e Verkada.
Sipas Tillie Kottmann, një nga anëtarët e grupit ndërkombëtar të hakerëve që prishi sistemin, sulmi kishte për qëllim të tregonte se sa të zakonshme janë kamerat e sigurisë së kompanisë dhe sa lehtë janë në gjendje të hakerohen. Përveç burimeve të drejtpërdrejta, grupi gjithashtu pretendoi se kishte qasje në arkivin e plotë të videove të të gjithë klientëve të Verkada.
Në një deklaratë për Bloomberg, një përfaqësues i Verkada komentoi: “Ne kemi çaktivizuar të gjitha llogaritë e administratorit të brendshëm për të parandaluar çdo qasje të paautorizuar. Ekipi ynë i brendshëm i sigurisë po hetojnë shkallën dhe qëllimin e këtij sulmi”.
Hakerat arritën të kishin akses të nivelit “Super Admin” në sistemin e Verkada duke përdorur një emër përdoruesi dhe fjalëkalim që gjetën publikisht në internet. Ata ishin në gjendje të hynin në të gjithë rrjetin e kompanisë, duke përfshirë qasjen rrënjësore në vetë kamerat, të cilat, nga ana tjetër, i lejuan grupit të hynte në rrjetet e brendshme të disa prej klientëve të Verkada.
Verkada krenohet me ofrimin e kamerave të sigurisë të lidhura me internet, duke premtuar një “qasje të sigurtë të softuerit” në Silicon Valley për ta bërë sigurinë “aq të qetë dhe moderne sa organizatat që mbrojmë”. Kamerat e lidhura përfshijnë një ndërfaqe të thjeshtë, të bazuar në internet, për kompanitë që të monitorojnë burimet e tyre dhe të ofrojnë gjithashtu softuer njohës të fytyrës (opsionale).
Kompania gjithashtu është kritikuar në të kaluarën për seksizëm dhe diskriminim pas një incidenti në 2019 ku një drejtor shitjesh përdori kamerat e sigurisë së së Verkada për të ngacmuar bashkëpunëtoret femra duke fotografuar dhe postuar fshehurazi fotografitë e tyre në një kanal të kompanisë Slack.
Lista e klientëve që përdorin Verkada është e gjerë: përveç kompanive si Tesla dhe Cloudflare, hakerat fituan akses tek kamerat e sigurisë në Halifax Health, një spital në Florida; Shkolla Fillore Sandy Hook në Neëtoën, Connecticut; Burgu i Qarkut Madison në Huntsville, Alabama; dhe Qendra Rajonale Mjekësore Wadley, një spital në Texarkana, Texas. Përveç pamjeve të kamerëve, grupi gjithashtu thotë se ishte në gjendje të hynte në listën e plotë të mijëra klientëve të Verkada dhe në informacionin privat financiar të kompanisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
