Hakerët janë duke marrë në shenjë 1.5 miliardë përdorues të Gmail - Business Magazine Albania

Hakerët janë duke marrë në shenjë 1.5 miliardë përdorues të Gmail


Janë 1.5 miliardë njerëz që e përdorin Gmailin e Google dhe shërbimet e Kalendarit. Dhe tani, një studiues i sigurisë thotë se ata janë të gjithë në rrezik të bien viktimë e një mashtrimi të ri.

Në një deklaratë të kësaj jave, Kasperski tha se ka analizuar Google Calendar dhe Gmail dhe ka gjetur se përdoruesit po marrin njoftime të padëshiruara për një link me një URL phishing. Ata që klikojnë në këtë link, dërgohen në një faqe me qëllime jo të mira, ku nëse i hedh të dhënat e kartës së kreditit, mund të të vidhen.

Sipas Kasperski, problemi qëndron në një opsion në Google Calendar dhe Gmail që lejon hakerët të krijojnë një ngjarje kalendarike dhe pastaj përdoruesit automatikisht të marrin një njoftim për të.

Por, ajo që është më interesante për këtë manovër, sipas raportit, është se hakerët nuk po përdorin emaile tradicionale për ta kryer punën e tyre.

“Scam kalendar” është një intrigë shumë efektive, pasi shumica e njerëzve janë mësuar të marrin mesazhe spam nga emaile ose aplikacione të dërguara”, tha Maria Vergelis, hulumtuese e sigurisë në Kasperski. “Por, kjo nuk mund të ndodhë kur bëhet fjalë për aplikacionin e Kalendarit, i cili qëllimin kryesor e ka për të organizuar informacionet në vend që t’i transferojë ato”.

Vergelis vazhdoi të thotë se çdo skemë e thjeshtë bëhet më e përpunuar dhe më e komplikuar me kalimin e kohës.

Në shumicën e rasteve, përdoruesit që klikuan linkun, panë një mundësi për të fituar një “çmim” në qoftë se ata japin të dhënat e tyre të kreditit në faqe. Kur kjo ndodhi, i vetmi “çmim” ishte numri i vjedhur i kartës së kreditit.

Çfarë mund të bësh për t’u mbrojtur?

Është një ide e mirë që të jeni të kujdesshëm dhe t’i informoni punonjësit tuaj për gabimet sa më parë që të jetë e mundur.

Gjërat e para në fillim. Mbani në mend se nuk duhet të klikoni në linqet që ju janë dërguar nga një burim i panjohur ose nga dikush që krijon një ftesë në kalendarin tuaj pa dijeninë tuaj. Është gjithmonë një gjë e mirë të jesh skeptik rreth kërcënimeve me të cilat përballemi.

Së dyti, sigurohuni që kurrë mos t’i ndani informatat tuaja personale në një faqe nëse nuk e dini se çfarë është dhe nëse nuk mund ta verifikoni se është e vërtetë. Megjithëse nuk mund të jeni gjithnjë 100 për qind i sigurt, bëni më të mirën tuaj për të mos hequr të dhëna në faqe të dyshimtë.

Së fundi, dhe ndoshta më e rëndësishmja, fikni funksionin që automatikisht shton ftesa kalendarike në kalendarin tuaj të Google. Kjo menjëherë do t’i ndalojë hakerat që t’ju marrin në shenjë.

Për ta bërë këtë, shkoni te Kalendari juaj dhe zgjidhni ikonën gear në krye.
Zgjidhni Cilësimet e ngjarjes dhe klikoni “Jo, shfaq vetëm ftesat për të cilat unë jam përgjigjur” nën menunë zbritëse.

Në fund të fundit, Kasperski tha se mashtrimi është i lehtë për t’u shmangur, në saj të preferencave të Google.

Pra, gjërat e para së pari – fikni atë funksion të add-automatically. Pastaj sigurohuni që punonjësve tuaj t’u jepni një informacion mbi sigurinë.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0