Prej tetë vitesh Guest House Adriatiku mirëpret turistë nga e gjithë bota dhe nga gjithë Shqipëria. Familjarët, të cilët janë edhe themeluesit e biznesit, me kalimin e kohës kanë shtuar numrin e shërbimeve për këta turistë. Për BusinessMag.al Luçia thotë se biznesi i tyre ka pësuar rritje nga viti në vit dhe se kjo i ka motivuar për të punuar më shumë. Ajo thotë se turistët që e kanë vizituar një herë bujtinën, janë kthyer sërish dhe janë bërë klientë të rregullt të saj.
Turizmi në këtë zonë është sezonal, pasi kushtet klimatike që janë karakteristike të zonës dhe infrastruktura, e cila nuk është në nivelet e duhura, nuk lejojnë që turistët ta vizitojnë zonën në gjatë gjithë vitit. Një tjetër vështirësi që turistët dhe ata vetë e hasin vazhdimisht, është mungesa e adresave.
“Guest House Adriatiku, është ambienti ku turistët ndihen si në shtëpi e jo si në restorant. Aty kanë ngrohtësinë familiare, komunikimin, shërbimin”, na thotë Luçia.
Krahas punës që bën ajo dhe familja e saj, në bujtinë ka edhe vullnetarë të cilët janë ofruar për t’ju shërbyer turistëve. Me profesion ajo është mësuese e gjuhës dhe letërsisë shqipe dhe në çdo orë mësimi nuk harron t’ju flasë nxënësve për vlerat e vendit të tyre. “Vendi ynë ka shumë resusre dhe të gjithë ja vlen të investojmë. Duhen edukuar fëmijët që të duan vendin dhe të mos bëhen rob i të huajve. Përderisa vendi na e ofron këtë mundësi përse të mos e shfrytëzojmë”.
Lexo: 60 vjeçarja nga Berati i pëkushtohet biznesit
Komunikimin me klientët ajo nuk e ka aspak të vështirë pasi zotëron disa gjuhë të huaja.
Kur pyetet për planet e së ardhmes, ajo thotë se ka shumë ide në kokë por duhet shumë financim dhe bashkëpunim. Madje thotë se në pesë vitet e ardhshme synon zgjerimin e bujtinës, zgjerimin e shërbimeve dhe të stafit. Të punësojnë një guidë për të shoqëruar turistët është hapi i saj i radhës.
“Hapja e bujtinave është “arma” e duhur për t’i thënë stop emigracionit”, thotë ajo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
