Grupi BALFIN në Balkanomics: Përqafojmë standardet ESG dhe punojmë për një të ardhme më të qëndrueshme - Business Magazine Albania

Grupi BALFIN në Balkanomics: Përqafojmë standardet ESG dhe punojmë për një të ardhme më të qëndrueshme

Grupi BALFIN në Balcanomics: Përqafojmë standardet ESG dhe punojmë për një të ardhme më të qëndrueshme

Grupi BALFIN, nën angazhimin për një të ardhme më të qendrueshme, mori pjesë në konferencën e tretë rajonale Balkanomics në Tiranë, me përfaqësimin e Zv.Presidentit të Grupit për Menaxhimin e Aseteve të Pasurive të Paluajtshme, Csaba Toth.

Toth iu bashkua drejtuesve të kompanive, përfaqësuesve të lartë të qeverive dhe institucioneve publike nga rajoni, për të trajtuar rëndësinë e zbatimit të standardeve më të larta europiane në mjedis, shoqëri dhe qeverisje (ESG), për një rajon me ekonomi të zhvilluar dhe investime inteligjente. 

Lexo edhe:Sekreti i Grupit BALFIN për gjetjen, zhvillimin dhe mbajtjen e talenteve

Zv.Presidenti i Grupit BALFIN për Menaxhimin e Aseteve të Pasurive të Paluajtshme, Csaba Toth – i pranishëm në sesionin lançues të Rrjetit të Parë Shqiptar ESG në Shqipëri – ndau qasjen dhe përkushtimin e Grupit për zbatimin e standardeve ESG dhe nënvizoi se i kushton vëmendje të veçantë këtij misioni. 

“Shtrirja e Grupit në shumë industri dhe ekzistenca e një rrjeti të gjerë, e bën atë një kontribues potencial për integrimin e standardeve ESG. Nuk flitet vetëm për çështje që lidhen me mjedisin apo me certifikime. Gjithashtu bëhet fjalë për kujdesin që duhet patur ndaj punonjësve dhe përgjegjësisë sociale. Ne po formësojmë qytete ndërkohë që po ndërtojmë, kësisoj na nevojitet të jemi në harmoni me komunitetet. E fundit, por jo më pak e rëndësishmja, na duhet t’i trajtojmë standardet ESG në një nivel strategjik, që çdo vendim i marrë të jetë i bazuar mbi to”, – u shpreh Csaba Toth.

Pjesëmarrja në konferencën Balkanomics, i të angazhuarit në Rrjetin e Parë ESG në Shqipëri, ndarja e mendësisë dhe sfidave kur flitet për përqafimin dhe zbatimin e parimeve ESG, dëshmon se investimi i Grupit BALFIN në këtë kuadër është më shumë se sa përgjegjshmëri koorporative; është kontribut për të ndikuar pozitivisht në zhvillimin e qëndrueshëm të rajonit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0