Google prezantoi modelin e fundit të telefonit inteligjent, i cili përmban çipin e parë të prodhuar nga vetë gjigandi i teknologjisë.
Modeli ‘Pixel 6’, përmban procesorin “Tensor” të Google, i cili mundëson veçori të reja të telefonit falë inteligjencës artificiale.
‘Pixel 6’ është gjithashtu telefoni i serisë “Pro”, i krijuar për të konkurruar modelet më të fundit të prodhuara nga kompanitë e tjera rivale.
Zyrtarë të kompanisë thanë se, qëllimi i prodhimit të këtij telefoni është konkurrimi sa më dinjitoz me kompanitë e tjera.
Google zotëron dhe operon me platformën Android, e përdorur nga pothuajse çdo prodhues i celularëve, përveç Apple.
Por pjesa e tregut që përdorin Android është dominuar nga markat e tjera të telefonave inteligjent si Samsung, telefonat e të cilëve mund të kushtojnë shumë.
Ndërkohë, modeli “Pixel 6” ka një çmim mesatar në treg dhe mund të gjendet me një çmim duke filluar nga 599 Dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
