Google paralajmëron se do të tërhiqet nga Australia, për shkak të përplasjeve që ka pasur për reklamat. Australi po përgatit një ligj që parashikon se Google, Facebook dhe kompani të tjera të teknologjisë të paguajnë mediat për përmbajtjen e tyre të lajmeve.
Por kompanitë amerikane e kanë kundërshtuar këtë ligj, duke paralajmëruar se do tërheqin disa nga shërbimet e tyre.
Për këtë, Kryeministri australian Scott Morrison tha se ligjvënësit nuk do t’u nënshtrohen kërcënimeve. Ndërkohë drejtori i Google në Australi, Mel Silva, tha në një seancë dëgjimore në Senat se ligjet ishin të pazbatueshme.
Sipas tij, “Nëse ky propozim do të bëhej ligj, nuk do të na jepte zgjidhje tjetër përveçse të ndalojmë vënien në dispozicion të Google në Australi”.
Facebook dhe Google janë përballur edhe më pare me presion për të paguar për përmbajtjen e lajmeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
