Google lançon aplikacionin që mund të përkthejë 44 gjuhë në kohë reale

Google lançon aplikacionin që mund të përkthejë 44 gjuhë në kohë reale


Nga Jason Aten, shkrimtar dhe trajner biznesi

Kjo ka kuptim duke marrë parasysh që misioni i Google është që “të organizojmë informacionin në botë dhe ta bëjmë atë universal dhe të dobishëm”. Kjo është arsyeja pse motori i kërkimit i Google, përfshin më shumë se gjysmën e trafikut në internet.

Por shumë nga informacionet që na nevojiten në baza ditore ndodhin në bashkëveprime me njerëzit përreth nesh. Ndonjëherë ai informacion nuk është veçanërisht i arritshëm ose i dobishëm, sidomos kur udhëtoni në një vend ku nuk e flisni gjuhën.

Prandaj Google është duke lançuar Interpreter Mode, për pajisjet iOS dhe Android.

Tani mund të aktivizoni Interpreter Mode në smartphone-in tuaj duke i thënë Google Assistant, “Hej, Google, bëhu përkthyesi im në frëngjisht”, ose çfarëdo gjuhe që ju nevojitet. Google do të dëgjojë fjalët e huaja dhe do t’i lexojë ato në gjuhën tuaj. Ju pastaj mund të përgjigjeni dhe aplikacioni do të flasë përsëri në gjuhën tjetër në mënyrë që partneri juaj i bisedës ta kuptojë. Interpreter Mode për momentin mund të përdoret në 44 gjuhë.

Lexoni:

https://businessmag.al/google-earth-vjen-me-risi-vecoria-e-re-u-lejon-perdoruesve-te-krijojne-dhe-shkembejne-histori/

Interpreter Mode gjithashtu lexon bisedën në flluska teksti (si mesazhe të çastit), duke lejuar që të dy palët të komunikojnë në kohë reale.

Unë kam studiuar spanjisht në shkollë të mesme dhe në kolegj dhe kjo më ka ndihmuar shumë ndërsa udhëtoja për punë. Si rezultat, unë arrita të vizitoja vende si Meksika, Kosta Rika dhe Republika Dominikane, por të kuptosh gjuhën nuk është njësoj si të kesh një përkthyes.

Kishte shumë raste që më duhej të bisedoja në mënyrë të ngathët, shpesh i hutuar nga fjalët dhe frazat që nuk mësohen në shkollë.

Interpreter Mode, nga ana tjetër, njeh variacione të dialektit bazuar në dallimet rajonale. Për shembull, spanjishtja që mësova dhe fola në Santo Domingo është krejt ndryshe nga ajo e Barcelonës. Të kesh një përkthyes në kohë reale në dorën tënde do të ishte shumë e dobishme.

Tani e ke. Nëse e keni të instaluar Asistentin Google dhe Google Translate në pajisjen tuaj, këto aplikacione duhet të azhurnohen së shpejti. Nëse jo, mund t’i shkarkoni të dyja nga Apple App Store ose Google Play.

https://businessmag.al/bashke-themeluesi-i-google-larry-page-terhiqet-nga-pozicioni-si-ceo-i-alphabet/

Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0