Google ka bërë të ditur se zyrat dhe burime të tjera të saj në Poloni do t’i vërë në shërbim të refugjatëve ukrainas.
Kompania do të përdorë kampusin e startup-eve në Varshavë si hapësirë për organizatat jo-qeveritare për t’ju mundësuar refugjatëve shërbime ligjore dhe psikologjike, tha Google. Google premtoi javën e kaluar 25 milionë dollarë ndihmë, duke përfshirë 10 milionë dollarë për organizatat lokale, të cilat ndihmojë refugjatët ukrainas në Poloni. Gjithashtu, kompania premtoi dhe sigurinë nga sulmet kibernetike.
“Teksa nevojat e të prekurve nga lufta ndryshojnë, ne po shohim mënyra të reja se si mund të ndihmojmë,” thuhet në një deklaratë për shtyp.
Lexo edhe: Kompanitë më të mëdha franceze ndalojnë “përkohësisht” marrëdhëniet me Rusinë
Që kur ka nisur lufta, disa kompani gjigante botërore kanë ofruar ndihmën e tyre për refugjatët ukrainas. Për shembull, Airbnb premtoi javën e kaluar se do të akomodonte 100 mijë refugjatë ukrianas dhe Uber ka ofruar transport falas për refugatët përgjatë kufirit Ukrainë-Poloni.
Google, e cila hapi zyrën e saj të parë në Poloni 15 vite më parë, ka zyra në dy qytete polake: Varshavë dhe Uroklau. Gjtihashtu, kompania tha se planifikon të zgjerohet më tej në Varshavë, duke investuar 700 milionë dollarë në zhvillimin e kompleksit të zyrave të reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
