Kompania Waymo e Google, po bëhet gati të nxjerrë makinat e para tërësisht autonome në rrugë. Por kamionët mund të jenë të parët që do të “përqafojnë” këtë teknologji. Startup-e në Sillicon Valley, investitorë dhe teknologjistë shikojnë potencial goxha të madh në këtë teknologji. Madje më shumë se kompanitë tradicionale të kamionëve mund të përballojnë.
Për shumë muaj Elon Musk, CEO i Tesla ka folur për planet e tij për të podhuar edhe kamionë autonomë. Ekzaktësisht sot, 16 nëntor, presim lajme të reja për këtë.
Embark ndërkohë, një startup nga Silicon Valley, ka planifikuar që javën e ardhshme, të publikojë planet e saj për teknologjinë e saj përsa i përket kamionëve autonomë. Testet për këtë teknologji janë realizuar në bashkëpunim me kompaninë e leasing për kamionë e quajtur Ryder dhe Eletrolux. Provat kanë parë për potencialin që disa dërgesa të Electrolux në magazinën e tyre në Kaliforni të bëhen me kamionë autonomë.
CB Insight, një kompani që monitoron investitorët, përllogarit rreth 1 miliardë $ investime në këto teknologji. Shifër kjo, 10 herë më e lartë se para 3 vitesh.
Industria 70 miliardë $ e kamionëve vazhdon të jetë një pikë e fortë e ekonomisë amerikane. Por edhe në ekonominë e vendeve të tjera të zhvilluara. Me shumë prodhime të bëra në Kinë dhe Azi, kamionët janë vendimtarë që çdo gjë të shkojë siç duhet dhe në kohë.
Për kompani si Amazon ose Walmart, teknologjia autonome është një mundësi e mirë për të ulur kostot dhe për të përshpejtuar dërgesat. Por kjo do të pasojë me shumë shkurtime vendesh pune për shoferët, të cilët do të jenë të pa nevojshëm. Shumë kompani gjithashtu besojnë se kjo teknologji do të ulë numrin e aksidenteve në rrugë. Keto mjete, fillimisht kanë vështirësi vetëm në rrugët e populluara dhe të ngushta të qyteteve. Por transporti kryesisht bëhet nëpër autostrada dhe rrugë jo shumë të populluara.
Edhe kompanitë e mëdha eksituese si Volvo apo Daimler, shohin goxha potencial. Ato kanë hedhur edhe idene e “eskortës“. Kështu, 2 apo më shumë kamionë, ecin ekzaktësisht pas njëri tjetrit, duke përfituar nga aerodinamika e krijuar nga mjeti përpara. Kjo, do të ulë shpenzimet e karburantit, apo energjisë elektrike.
Por, kompania e njohur Goldman Sachs, bën disa parashikime alarmante, por, në kohë. Ajo parashikon se rreth 300.000 vende pune do të humbin çdo vit, duke filluar pas 25 vitesh. Praktikisht, ky numër do të vijojë të rritet, dhe të shkojë në 300.000 në vit, në vitin e parashikuar në vitin 2042. Ky vit, koiçidon edhe me disa synime që shumë shtetet i kanë vënë vetes për transportin. Kështu, Parisi mendohet të jetë 100% elektrik në vitin 2040.
Burimi: Business Insider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
