Fondacioni “Golden Eagle” dhe Kompania “Frutex”, pas dy fushatave të suksesshme për përmirësimin e kushteve nëpër qendrat spitalore në Kosovë, nga e enjtja kanë filluar edhe me një fushatë të re, e cila kësaj here ka të bëjë me më shumë qendra spitalore.
Drejtuesi i Fondacionit “Golden Eagle”, Shaqir Palushi, ka filluar fushatën dy mujore për repartet pediatrie në Prishtinë, Prizren dhe Gjilan.
“Frutex do të ndajë nga 5 centë për çdo produkt të shitur Relax. Në bashkëpunim me udhëheqësit e këtyre reparteve kemi arritur që t’i identifikojmë se cilat pajisje u mungojnë më së shumti”, ka thënë Palushi.
Ai ka treguar se në një fushatë tjetër humanitare kanë dhuruar si fondacion dhe kompani, 30 mijë euro për repartin e Pediatrisë të Klinikës Onkologjike në QKUK si dhe kanë dhuruar 90 mijë euro për ndarjen e 100 bursave një vjeçare për studentët me kushte të dobëta nga Kosova, Shqipëria, Maqedonia dhe Lugina e Preshevës.
Palushi ka thënë se nuk do të ndalen me fushata humanitare pasi që kanë përkrahjen e qytetareve.
Ndryshe Kompania “Frutex është një ndër kompanitë më të suksesshme e cila produktet e veta Golden Eagle dhe Relax i eksporton në shumë vende të botës.
Kjo fushatë ka pasur që të ketë përkrahje nga qytetarët dhe të tjerët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
