Gjykata kushtetuese pezulloi ligjin e procedurave tatimore, i i njohur rëndom si ligji i gjobave për shkak të masave të forta ndëshkuese ndaj biznesit.
Përmes një vendimi të posaçëm gjykata ka ndaluar zbatimin e draftit që kishte hyrë në fuqi në datë 12 dhjetor deri në në një vendim përfundimtar për këtë çështje.
Kjo do të thotë se nga ky moment shkeljet fiskale do të trajtohen sipas ligjit të mëparshëm të proçedurave tatimore.
Vendimi i gjykatës kushtetuese vjen pas ankesës së shoqatës për mbrojtjen e tregtarëve dhe të tregut. Ligji i ri ashpërsonte deri në ekstrem masat ndëshkuese për shkeljet tatimore përtej parimeve të proporcionalitetit.
Ndër masat kryesore të tij ishin rritja me dhjetë herë e gjobave për mosdeklarim punonjësish për biznesin e vogël nga 50 në 500 mijë lekë.
Në po të njëtën masë sanskionohet edhe gjoba për moslëshim kuponi për kjëtë kategori biznesesh. Ndërsa për bizneset e mëdha që konstatoheshin me mall të pashoqëruar me dokumenta tatimore, gjoba arrinte në 10 milionë lekë dhe në rast përsëritje subjekti çohej për ndjekje penale.
Qeveria e pati miratuar ligjin e ri të proçedurave në kuadër të luftës së informalitetit. Që në fillim drafti u kundësrhtua fort nga bizneset dhe ekspertët për masa ekstreme të cilat mund të rrisnin arbitraritetin e administratës fiskale dhe presionin ndaj biznesit.
/Top-Channel/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English