Gjirafa,Inc.dhe Cactus Education nënshkruajnë marrëveshje bashkëpunimi

Gjirafa Inc. dhe Cacttus Education nënshkruajnë marrëveshje bashkëpunimi


Cacttus Education është shkollë e lartë që ofron studime profesionale në fushën e Teknologjisë së Informacionit dhe të Komunikimit. Ajo zhvillon aktivitetin e saj në Kosovë.Gjirafa Inc. është motorri i parë i kërkimit në gjuhën shqipe, i cili ofron akses në të dhëna që aktualisht nuk mund të gjenden online. Kjo kompani ka si mision ndërtimin e Internet Economy në Shqipëri, Kosovë dhe Maqedoni.

Bashkëpunimi mes Cacttus Education dhe Gjirafa Inc. ka për qëllim shkëmbimin e përvojave dhe praktikave më të mira në fushën e trajnimeve dhe zhvillimeve profesionale me fokus në sektorin e teknologjisë së informacionit.

Lexo këtu:  Gjirafa do të dixhitalizojë Ballkanin. Kompania kosovare financohet 6.7 milionë dollarë nga Rockaway Capital

Kompania Gjirafa është zotuar të angazhojë në praktikë studentë dhe kandidatë të suksesshëm të programeve të trajnimeve në Cacttus Education. Marrëveshja përfshin edhe shkollimin në programe të rëndësishme për fushën e programimit, si dhe bashkëpunim me folës nga Gjirafa, për programet e trajnimit në Cacttus Education si dhe programe të shkollës profesionale.

Marrëveshja u nënshkrua nga Drejtori Ekzekutiv i Cacttus Education Z. Besim Ilazi dhe nga themeluesi dhe CEO i Gjirafa Inc., Z. Mergim Cahani. Kjo marrëveshje synon të krijojë një bashkëpunim ndërmjet të dy palëve duke promovuar vlerat e përbashkëta dhe duke ofruar mundësi për zhvillim profesional për programuesit e rinj.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0