Këtë javë, kompania transportuese franceze Alstom ka zbuluar trenin e parë të pasagjerëve që furnizohet me hidrogjen, i cili do të udhëtojë përmes Gjermanisë në fund të vitit 2017.
Treni i pasagjerëve Coradia iLint super i qetë përdor si karburant hidrogjenin, i cili lëshon vetëm avull dhe ujë të kondensuar. Një serbator me hidrogjen i vendosur në çatinë e trenit furnizon qelizat e karburantit që të prodhojnë energji elektrike. Alstom ka thënë se shpreson që këta trena të zëvendësojnë të gjithë trenat e tjerë në Europë që djegin naftë, të cilët janë akoma të shumtë në numër pavarësisht projekteve të elektrifikimit në të gjithë kontinentin.
Ky tren nuk e ndot ajrin, nuk bën zhurmë dhe mban deri në 300 pasagjerë.
Coradia iLint mund të jetë treni i parë në botë për pasagjerë që furnizohet me hidrogjen, por sigurisht që nuk është mjeti i parë që përdor hidrogjenin si karburant. Stan Thompson, ish projektues në A&T dhe përkrahës i përdorimit të hidrogjenit në mjetet e transportit, krijoi termin “hydrail” në vitin 2004 për të përshkruar çdo mjet hekurudhor që përdor hidrogjenin si karburant. Ndërkohë ka edhe prototipe dhe trena hibrid, më të shumtë në Japoni.
Ky është një tjetër njoftim që tregon përpjekjet e Gjermanisë për të rimëkëmbur transportin hekurudhor. Korrikun e kaluar, Deutsche Bahn, operatori hekurudhor më i madh në Europë, shpalli bashkëpunimin me Hyperloop Transportation Technologies për të sjellë teknologjinë e tyre futuriste në trenat e tij të shpejtë.
https://www.youtube.com/watch?v=hFiYm-mUkO4
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
