Ende ka kohë deri në mesin e nëntorit, kur skadojnë tarifat e përkohshme, por nëse skadojnë pa ndonjë dritë jeshile nga SH.B.A., tarifa e plotë dhe sanksionet do të hyjnë në fuqi.
Sidoqoftë, këndvështrimi për kompaninë Huawei në Bashkimin Europian është më pozitiv. Gjermania ka finalizuar rregullat e 5G dhe siç raportohet nga Handelsblatt, nuk është duke e bllokuar Huawei-n.
Lexoni: Analistët: Problemi më i madh i Huawei është pasiguria
“[Gjermania] do të injorojë shqetësimet e qeverisë amerikane për sigurinë në lidhje me Huawei. Sh.B.A frikësohet nga spiunazhi dhe e sheh [Huawei] si bashkëpunëtor të qeverisë kineze. Sidoqoftë, nuk ka asnjë provë për probleme harduerike” – Handelsblatt.
“Ne po krijojmë një katalog të kërkesave të rrepta të sigurisë. Kushdo që dëshiron të përfshihet duhet t’i përmbahet atyre,” tha zëdhënësi i qeverisë gjermane Steffen Seibert.
Lexoni: Ende pa u lançuar mirë 5G, Huawei po punon për përhapjen e rrjetit 6G
Ky është një hap i rëndësishëm për Huawei dhe një shqetësim për Uashingtonin, pasi Gjermania është një nga vendet më me ndikim brenda Bashkimit Europian.
Vendimi i Gjermanisë mund të pranohet dhe të përsëritet nga shumica e vendeve anëtare të BE-së.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
