Disa të rinjë vullnetarë gjatë një gërmimi arkeologjik në Izraelin qendror, kanë gjetur 425 monedha ari që ishin groposur në një kavanoz argjili për 1100 vjet. Shumica e monedhave datojnë që nga periudha e hershme islamike, kur rajoni ishte pjesë e Kalifatit Abasid. Monedhat peshojnë 845g dhe po të llogaritej vlera e tyre do të mjaftonin të blihej një shtëpi luksoze në një nga qytetet e Kalifatit e asaj kohe. Kush e zotëronte këtë pasuri dhe pse nuk u kthyen më ta kërkonin mbetet një mister.
‘’Gjetja e monedhave të arit, sigurisht në një sasi kaq të konsiderueshme, është jashtëzakonisht e rrallë. Ne pothuajse kurrë nuk i gjejmë ato në gërmime arkeologjike, duke pasur parasysh se ari ka qenë gjithmonë jashtëzakonisht i vlefshëm, dhe i përdorur brez pas brezi’’- u shpreh Robert Kool, një ekspert i monedhave. Ai deklaroi se monedhat e gjetura ishin dinarë të plotë prej ari, por edhe 270 prerje të vogla ari.
Ai shtoi se një nga prerjet bën pjesë në koleksionin e Perandorit Bizantin, Theophilos, dhe është një provë e rrallë materiale e lidhjeve të vazhdueshme midis dy perandorive rivale gjatë kësaj periudhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Ne kerkim te kuptimit