Gevio Tabaku, fitues në programin global UGRAD

Gevio Tabaku, fitues në programin global UGRAD

~4 minuta lexim


Emri i tij  nuk është i pa njohur për lexuesin e BusinessMag.al. Bëhet fjalë për djalin nga Gramshi, Gevio Tabakun, i cili u prezantua në kompeticionin SuperGeneration me idenë e tij për Portalin Studentor, ku edhe fitoi çmimin e dytë. Që pas atij momenti portali është vënë në funksion dhe ka punuar fort për t’u ardhur në ndihmë studentëve në provimet e maturës.

Për BusinessMag.al ai shprehet se ka marrë një Feedback pozitiv dhe se interesi për portalin ka qenë i lartë. “Besoj që Portali e ka nisur mbarë dhe që jemi në rrugën e duhur”, thotë ai.

Ditët e fundit ai konkuroi në Programin Global UGRAD, ku u përzgjodh fitues. Me këtë çmim atij iu dha mundësia e studimeve për një semestër akademik në SHBA, nga Ambasada Amerikane.

Pas programit ai synon të kthehet në Shqipëri, ku dëshiron shumë që njohuritë t’i vëjë në praktikë. “Kjo është një eksperiencë shumë e mirë për ne të rinjtë, sidomos për ne që duam të jetojmë dhe të kontribuojmë për vendin tonë dhe që planifikojmë të ardhmen tonë këtu”.

Sipas tij, ky program është ekselent, për të gjithë ata të rinj që dëshirojnë të jenë pjesë aktive e komunitetit dhe që dëshirojnë të shohin ndryshim dhe përmirësim në vendin e tyre.

Lexo: Një portal i ri do t’iu shërbejë studentëve të Shqipërisë

Programi Global UGRAD është një program shkëmbimi, që ka në fokus të përgatisë liderët e së ardhmes. Afërsisht 250 të rinj nga 55 shtete të ndryshme, përzgjidhen për të kryer një semestër akademik në SHBA në mënyrë të tillë, që të fitojnë eksperiencë, të ekspozohen në sistemin e edukimit të SHBA-ve dhe të bëhen liderë më të mirë në vendin e tyre. Programi kërkon që gjatë kohës që studion në SHBA, të kryesh gjithashtu punë vullnetare në komunitet dhe më pas eksperiencën që merr atje, t’a transmetosh edhe në vendin tënd, duke ndihmuar në përmirësimin e tij.  Për t’u bërë pjesë e këtij programi, nevojiten disa kritere, ku kryesori është aktivizimi në komunitet. Aplikimi është i hapur për të gjithë ata që duan të synojnë të jenë fitues e të jenë në shërbim të komunitetit.

Të rinjtë janë e tashmja dhe e ardhmja e vendit dhe nëse nuk do i ndryshojnë ata gjërat, atëherë kush do t’a bëjë?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0