Geiv Tomço është bashkëthemelues i programit edukativ SmartKids Albania, si dhe specialist i Robotikës dhe Inteligjencës Artificiale. Ai punon me grupe fëmijësh për t’u mësuar në detaje një fushë kaq të veçantë sa është robotika dhe zhvillimi i inteligjencës, përmes ushtrimeve matematikore.
Është përkthyes i një sërë librash që lidhen me teknologjinë dhe ushtrimet matematikore.
Ai, së bashku me nxënësit e tij ndajnë përvojën unike në përfshirjen në robotikë, ndëra ata vetë tregojnë website që i kanë ndërtuar tërësisht nga fillimi.
Geiv, fillimisht çfarë janë STEM?
Qasja e duhur e teknologjive moderne digjitale ndaj fëmijëve nëpërmjet metodologjive STEM. Metodologjitë STEM (Science, Technology, Engineering, Math) janë bashkësi mjetesh dhe aktivitetesh praktike, që mund t’i përdorim për të përmirësuar njohuritë e fëmijëve dhe studentëve, qoftë me apo pa përvoja të mëparshme. Trajnimi i fëmijëve në robotikë zgjon ëndrrat e së ardhmes, pasi mënyra se si ato dizenjohen dhe përgatiten janë në përshtatje me të gjitha llojet e grupmoshave. Disa nga fushat me interes për fëmijët parashkollorë dhe ata në ciklin e ulët, janë Robotika & Programimi, Kompjuteri, Shkenca, Modelimi 3D etj.
Ku dallojnë në këndvështrimin e fëmijëve robotika dhe programimi?
Këto dy disiplina, pavarësisht se duken shumë të ndërlikuara, në fakt janë metodologjia më e përshtatshme që grupmoshat e parashkollorëve dhe cikleve të ulëta të afrohen dhe të përdorin teknologjitë moderne digjitale. Është vëzhguar që pajisjet si, tabletët janë mjaft intuitivë në përdorim, edhe nëse fëmijët nuk kanë mësuar ende të lexojnë, pasi ndërveprimi me të bazohet më së shumti në aspektin logjik dhe koordinimin sy-motor, aspekte që tashmë janë të zhvilluara që në moshat 3-4 vjeç.
Artikulli u publikua më parë në faqen 10 të numrit 32 të revistës Business Magazine Albania. Business Magazine Albania është revista e parë digjitale me përmbajtje origjinale në shqip të orientuar nga fusha e biznesit. Ju mund Abonoheni dhe të Shfletoni Këtu nr. 32 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English