Gati për Startup? - Shkarkoni guidën ligjore për të gjithë sipërmarrësit nga Legit - Business Magazine Albania

Gati për Startup? – Shkarkoni guidën ligjore për të gjithë sipërmarrësit nga Legit

Startup

Legit, kompania e parë legaltech në Shqipëri, ka publikuar një guidë elektronike për të gjithë sipërmarrësit që duan të thjeshtojnë proceset, duke njohur më mirë legjislacionin. 

Ekosistemi i Startupeve në Shqipëri po zgjerohet ndjeshëm. Paralelisht me të po rritet ndërgjegjësimi i aktorëve shtetëror dhe privat për mbështetjen dhe nxitjen e themeluesve të rinj në iniciativat e tyre.

Sipërmarrësit e rinj shërbyen si katalizator i projektligjit “Për Mbështetjen dhe Zhvillimin e Startup-eve” dhe i kësaj guide elektronike, që trajton në mënyrë shteruese themelimin e një startup-i, formën e tij ligjore, mbrojtjen e të dhënave dhe të pronësisë intelektuale, dhe kontratat e para që hartojnë themeluesit me punonjësit, bashkëpunëtorët, nënkontraktorët dhe investitorët e tyre.

Kjo eGuide është shkruar për të gjithë sipërmarrësit e rinj që duan të informohen më shumë rreth legjislacionit në vend dhe kushteve që ofron Shqipëria. Çdo seksion është një sintezë e ligjit, shembujve ilustrues, eksperiencave dhe qëndrimeve të themeluesve të tjerë, me një qëllim të vetëm: thjeshtimin e proceseve nëpërmjet nxitjes së shpirtit të sipërmarrjes në çdo qytet të Shqipërisë.

Nëpërmjet bibliotekës elektronike, Legit ofron materiale ligjore falas për këdo që dëshiron të ketë më shumë njohuri rreth ligjit, biznesit dhe lidershipit.

eGuida “Gati për Startup” mund të shkarkohet 𝗙𝗔𝗟𝗔𝗦 këtu!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0