"Game of Thrones" ju tregon të ardhmen e marketingut të përmbajtjes

“Game of Thrones” ju tregon të ardhmen e marketingut të përmbajtjes


Unë normalisht i urrej postet e blogut që përpiqen të nxjerrin një leksion biznesi të zbehur nga risia më e fundit e kulturës pop … si përshembull “Pesë Gjërat që Blogerët mund të mësojnë nga Kim Kardashian”.

Por unë do ta bëj këtë sot, sepse mësimi është mjaft i madh për mua që ta marr atë rrezik. Ekziston një e vërtetë e marketingut pas serialit televiziv ‘Game of Thrones’. Unë mendoj se ju do të pajtoheni me këtë gjykim…

Mësimi që merrni nga “Game of Thrones” për marketingun e përmbajtjes

Unë vetëm kohët e fundit fillova të interesohem për Game of Thrones, seria televizive më e famshme në histori. Në mes të vërshimit të shfaqjeve që konkurrojnë për vëmendjen e botës, si arriti kjo shfaqje të kap një audiencë që tashmë është zhytur në përmbajtje?

Sepse është e përshtatshme dhe superiore.

Shfaqja bëri bujë duke shfrytëzuar popullaritetin e një romani ekzistues, por gjithashtu duke krijuar një apel të gjerë për një botë fantastike fantazie.

Së dyti, ajo ishte superiore ndaj pothuajse çdo prodhimi tjetër në TV. Çdo episod është si të shikosh një film spektakolar dhe me buxhet të lartë. Skenat janë të ndërlikuara, aktrimi është i klasit të parë, detajet në sete dhe kostume janë mahnitëse. Episodet janë filmuar në Irlandë, Spanjë, Marok, Kroaci, Islandë dhe shumë peisazhe të tjera të mrekullueshme.

Kur përmbajtja është superiore, ajo krijon biseda, shpërndahet më shumë dhe ju e dini se përmbajtja nuk ka vlerë nëse nuk shihet dhe shpërndahet mjaftueshëm. Kërkimet tregojnë se përmbajtjet më të shpërndara nxisin kuriozitetin dhe i bëjnë njerëzit të shohin diçka të re… në këtë rast ka më shumë emocion pas përmbajtjes sesa në artikujt me pika “7 këshilla për marketingun e përmbajtjes.”

Relevant dhe superior

Njësoj si Game of Thrones, ju duhet të jeni relevant dhe superior për të fituar.

Jo detyrimisht duhet të filmoni videot tuaja të YouTube në Kroaci, por ju duhet të gjeni një vend interesant dhe ta zotëroni atë.

Nëse jeni një dentist, nuk mund thjesht të filloni një blog të ri dentar dhe të keni sukses. Nëse jeni një makeup artist, vetëm një video e re në YouTube nuk do të ishte mjaftueshëm. Nëse je një agjent i pasurive të patundshme, nuk ju duhen thjesht dis foto shtëpish në faqen tuaj në Instagram.

Si të jeni i përshtatshëm në një mënyrë që të tjerët nuk janë?

Si të jeni superior, dhe të vazhdoni të jeni të tillë, ditë pas dite?

Ndërkohë që kjo detyrë mund të duket e frikshme (dhe është e tillë), nuk është e mundur. Mbani mend, nëse jeni një dentist, jo domosdoshmërisht duhet të bëheni dentisti më fantastik në botë. Ju duhet të bëheni dentisti më i mirë në komunitetin tuaj… në qoshen tuaj.

Interneti vetëm sa ka filluar. Idetë, njerëzit dhe përmbajtja që do të ndikojë te ne për 10 vitet në vazhdim nuk ekziston për momentin. Ndoshta ajo shkëndijë do të vijë nga ju që po lexoni këtë artikull.

Nuk duhet të keni dragonj që nxjerrin zjarr nga goja apo të keni stafin e Hollywood-it për të qenë të suksesshëm. Ju nuk duhet të bëheni Game of Thrones. Ju duhet të jeni Game of Thrones, të përshatshëm dhe superior, në qoshen tuaj.

/MARK SCHAEFER

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0