Future Fridays #6 - AI që shet shtëpi, iPhone që paloset dhe 80M$ për Shqipërinë – Çfarë ndodhi këtë javë? - Business Magazine Albania

Future Fridays #6 – AI që shet shtëpi, iPhone që paloset dhe 80M$ për Shqipërinë – Çfarë ndodhi këtë javë?

Në episodin e fundit të “Future Fridays”, në bashkëpunim me Said Duleviç, eksploruam disa nga temat më të nxehta të javës, duke sjellë inovacionin dhe transformimet më të fundit në teknologji dhe ekonomi. Nga një agjent imobiliar me AI që po “trondit” tregun e pasurive të paluajtshme, te lajmi për iPhone-in e parë me ekran të palosshëm dhe investimi i Bankës Botërore për Shqipërinë, ja çfarë duhet të dini!

AI futet fuqishëm në pasuritë e paluajtshme – 100 milionë dollarë shitje në Portugali!

Imagjinoni të mos keni më nevojë për një agjent imobiliar tradicional! Në Portugali, një agjent i pasurive të paluajtshme i bazuar në inteligjencë artificiale ka realizuar 100 milionë dollarë në shitje, duke treguar sesi AI po revolucionon një nga tregjet më tradicionale. Algoritmet e tij mund të analizojnë të dhëna në kohë reale, të sugjerojnë prona të personalizuara dhe madje të mbyllin marrëveshje pa ndërhyrjen e njeriut. A është kjo e ardhmja e tregut imobiliar?
Lexo më shumë

Apple po përgatit surprizën e madhe – iPhone me ekran të palosshëm vjen në 2026?

A jeni gati për një iPhone që paloset ? Apple po punon për një model revolucionar, i cili pritet të kushtojë rreth 2500 dollarë dhe mund të dalë në treg brenda dy viteve të ardhshme. Kjo është një lëvizje që mund të ndryshojë rrënjësisht industrinë e smartfonëve, duke futur Apple në një segment ku deri më tani dominonin markat si Samsung dhe Huawei. Por, a do të justifikojë ky inovacion çmimin e tij të kripur?
Lexo më shumë

Episodi #5 “Future Fridays” – Kafshët “shprehen”, robotët dëgjojnë mendjen dhe TikTok-u që mbyllet në Shqipëri! – Business Magazine Albania

 Shqipëria drejt një epoke të re digjitale – 80 milionë dollarë nga Banka Botërore!

Banka Botërore ka miratuar një financim prej 80 milionë dollarësh për të ndihmuar Shqipërinë në modernizimin digjital të sektorit publik. Ky investim synon të përmirësojë efikasitetin, transparencën dhe aksesin në shërbimet publike, duke sjellë një hap të madh drejt e-qeverisjes. A është ky momenti kur Shqipëria futet realisht në epokën digjitale?
Lexo më shumë

 Këto janë vetëm disa nga temat që diskutuam këtë javë në Future Fridays! A ka ndonjë nga këto lajme që të ka habitur apo entuziazmuar më shumë?

 Për më shumë detaje dhe për të mos humbur asnjë episod të Future Fridays, qëndroni të lidhur me Business Magazine dhe Said Duleviç.

Na ndiqni çdo të premte në orën 17:00 në Instagram, Facebook, Linkedin, TikTok & YouTube për përmbledhjen tuaj javore të inovacionit!

Episodi i plotë

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0