FUQIA E VLERAVE NJERËZORE QËNDRON TE SHPËRNDARJA E MIRËSISË DHE MIRËQENIES - Business Magazine Albania

FUQIA E VLERAVE NJERËZORE QËNDRON TE SHPËRNDARJA E MIRËSISË DHE MIRËQENIES

Manjola Perja, kontributore

“Dita Botërore e Vlerave” të bën të kuptosh se rëndësia e kësaj dite kushtuar vlerave në të gjithë botën është shumë e madhe. Vlera e saj bëhet edhe më e madhe kur përhapet në mjedise që nuk pritet, siç është ajo e ndërmarrë vitin e kaluar lidhur me vlerat e aplikuara në një nga burgjet më të mëdha të Evropës, HMP Berwyn, në Wrexham, Uells.

Secili nga ne mund të ndihmojë dhe mbështesë ndryshimin, përmirësimin dhe mirëqenien e jetës sonë, në një nivel personal, ku te reflektimi dhe ndërgjegjësimi i vlerave ekzistojnë gjithashtu bazat e rizgjimit. Disa prej nesh mundet ti zgjerojnë këto mundësi, referuar një grupi specifik ose një pjese të komunitetit, sepse në këtë mënyrë më shumë njerëz mund të frymëzohen.

Lexo: Nëse doni të pleqëroni mirë duhet t’i jepni përparësi miqësisë

Në jetën tonë ne bëjmë gabime, me vetëdije ose jo, kjo sepse ne nuk jemi të përsosur. Por proçesi i fajit është si një bumerang: në një farë mënyre, personi ka dëmtuar edhe veten e tij, jo vetëm personin tjetër. Çdo gjë mund të bëhet më mirë nëse ekziston midis dy palëve dëshira e mirë. Të gjithë ne mund të reflektojmë dhe të japim më të mirën tonë, kur ne e kuptojmë se mund të ndryshojmë, jo vetëm veten por edhe të tjerët rreth nesh: partnerin, familjen, rrethin shoqëror, komunitetin ku jetojmë edhe më gjerë, me një qëllim të vetëm, mirëqenien. Në pamje të parë, koncepti i praktikës së vetëdijshme (siç përdoret në aplikim e platformës së 31 Praktikave) mund të duket e pabesueshme për shkak të skepticizmit që ekziston midis nesh.

Vlera më e madhe nuk është vetëm tek iniciativa, por te njerëzit që e mbështesin dhe përkrahin këtë iniciativë në praktikë. Siç e dimë, vlerësimi i vetëdijshëm i vlerave dhe vlerësimi i tyre rigoroz në të shumtën e rasteve sjell mirësi dhe gëzim. Çdo njeri e ka fuqinë të përmirësojë personalitetin e tij bazuar në vlerat e tij më të mira që ka. Shumë individë përjetojnë një lumturi të jashtëzakonshme kur ata e jetojnë jetën e tyre bazuar në vlera. Thelbi i vlerave është si “dielli” i cili rrezaton kudo, ai rrezaton jo vetëm në një pikë fikse, por në gjithçka që ka pranë.

Koha do të tregojë që HMP Berwyn, në Wrexham, tashmë është pjesë e historisë njerëzore dhe do të jetë një burim frymëzimi për të tjerët që mund të mbështeten në më të mirën e tyre, e cila është vetvetja. Ne e dimë se gjërat më të mira që kemi janë falas dhe i kemi dhuratë, dhe si të tilla mund t’i quajmë vlerat tona. Ata janë dhuratat tona që do të na ndihmojnë të arrijmë më të mirën. Pra, ta njohësh veten, të kërkosh më të mirën për veten, kjo është vlera jonë.

Fuqia e vlerave njerëzore është se ato na ndihmojnë të shfaqim vetveten më të mirë dhe kur dimë t’i përdorim ato, fuqia e tyre sa vjen e zmadhohet. Vlerat mund të mbjellin prosperitet, në zhvillimin e vetes, familjes, shoqërisë dhe komunitetit. Një shoqëri që nuk e pranon një komunitet është si një shoqëri me një shpirt të thyer, kështu që i takon secilit prej nesh të ndihmojë veten dhe komunitetin për të kuptuar vlerat e përbashkëta të komunitetit.

Edhe gjatë disa prej kohërave më të vështira të njohura për njerëzimin, siç janë kampet e përqendrimit referuar gjithashtu Shqipërisë gjatë regjimit komunist, u vërtetua se ne mund të ngrihemi lart mbi fatin e rrethanave. Disa të burgosur e mbajtën të paprekur lirinë e tyre të brendshme dhe arritën të nxjerrin vlerë nga vuajtjet e tyre. Ata qëndruan me dinjitet pa u kompromentuar me situatën e keqe.

Lexo: Taylor Swift jep një mësim të fuqishëm përsa i përket inteligjencës emocionale

Sigurisht, të jesh në gjendje ta bësh këtë kërkon një besim të jashtëzakonshëm, rezistencë dhe punë të palodhur, por demonstron sesi ata që vërtet besojnë në më të mirën e tyre, mund të jenë edhe më të mirë nga sa menduan se ishin dje, duke u bërë një shembull dhe një frymëzim për njerëzit e tjerë që kanë dilema me personalitetin dhe besimin e tyre për të qenë të vërtetë bazuar në vlerat e tyre më të mira.

Shumë studime të tjera kanë treguar forcën që mund të sjellin vlerat. Kur njerëzit kanë një sens më të madh të vetëdijës për vlerat e tyre, ata kanë më shumë mundësi për të pasur sukses, duke kontribuar dhe duke bërë gjëra të mira si për veten e tyre ashtu edhe për komunitetin. Rritja e besimit në veten tonë, duke besuar në vlerat tona më të mira personale, krijon një ndikim më të dukshëm në përmirësimin e ditës, familjes dhe shoqërisë. Ky moment mund të quhet një rilindje e dytë. Fuqia për të ndërmarrë një veprim të mirë rritet vetvetiu, duke sjellë një frymë tolerance dhe mirëkuptimi ndërsa respekton palën tjetër.

Rritja e nivelit të besimit te njëri-tjetri në shërbim të mirëqenies së komunitetit, në shërbim të një kauze siç është të jetuarit dhe ndërtuarit e ditëve dhe jetës tonë bazuar në vlerat tona më të mira është një sfidë dhe mision i madh, i cili duhet të përhapet edhe në vendet e tjera të botës.

WVD

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0