Fujitsu, historia e një transformimi të shëndetshëm nga hardware tek Data Center - Business Magazine Albania

Fujitsu, historia e një transformimi të shëndetshëm nga hardware tek Data Center


Kur flasim për kompanitë e teknologjisë në mendje kemi emrat e mëdhenj ndërkombëtare, me ndikim të fortë në jetët tona edhe pse kanë pak vite jetë.

Në këtë botë, ku teknologjia po ecën me ritme të shpejta sa as vetë nuk e di se ku po shkon, është interesante të kuptojmë se edhe mes risive më të mëdha, kanë vlerë themelet e hershme tradicionale. Tipike e suksesit në këtë drejtim është kompania japoneze e përmasave ndërkombëtare prej mbi 80 vitesh. Flasim për Fujitsu, e cila pak ditë më parë, mblodhi të gjithë partnerët e saj të Europës Juglindore në Sofie të Bullgarisë.

Në rajon, grupi i Fujitsu ka përfaqësi zyrtare prej 20 vitesh. Një takim një ditor me dhjetëra partnerë të Ballkanit, paraprin takimin e madh që çdo vit kompania bën në Hamburg, ku mblidhen mbi 13 mijë veta, diskutojnë dhe njohin teknologjitë e reja.

Prodhuesi japonez i teknologjisë hardware dhe software, ka në parimet bazë të tij partneritetin e qëndrueshëm. Mjafton t’u themi se në Shqipëri, prej 20 vitesh, partneritetin e ka me një kompani në fushën e teknologjisë. Edhe përfaqësuesit e Fujitsu, drejtues për shitjet e marketingun në rajon, kanë 10-15 vite pranë kësaj kompanie. Një pikë e fortë për të hedhur hapin e transformimit drejt risive.

Gabriel Pavel, drejtor i shitjeve për 10 vende në rajonin e Ballkanit, na tregon se, “dhjetë vite më parë, i gjithë biznesi zhvillohej me fokus klientët (desktop, lap-top) ndërsa sot më shumë se 55% e aktivitetit është e fokusuar tek data center, servera, storage. Po rritemi shumë shpejt në data center”.

Sipas tij, në këtë rritje, ka dy faktorë. I pari është shërbim cilësor tek data center, ku kompania sigurohet që këto teknologji të punojnë 24 orë për 7 ditë

Mes kompanive të teknologjisë, të fituarit janë ata që ndërtojnë partneritete. Pavel tregon se Fujitsu ka partneritet me Microsoft, VMware, SAP e shumë kompani të tjera, duke siguruar një zgjidhje full-option për blerësit. Kërkesa për sisteme të integruara, është në rritje të vazhdueshme. Ne kemi një zgjidhje tonën për software storage. Aktiviteti në data center po rritet 20-30% në vit.

Krahas kërkim-zhvillimit, investimet e kompanive të teknologjisë, janë fokusuar edhe tek fuqizimi i rrjetit të partnerëve përmes trajnimeve të tyre.

Zdravko Dimov, menaxher për partnerët Shqipëri, Kosovë, Maqedoni tregon se, “edhe pse nuk kemi shumë partnerë, po punojmë shumë mirë me ta. Preferojmë të zhvillojmë partnerë që besojnë shumë në teknologjinë tonë. Sot në fakt po flasim për risi si Smart City, Inteligjenca Artificiale, etj, Ndaj sot kërkohen edhe energji të reja”.

Vyara Changarova, është menaxhere e shitjeve për Bullgari, Shqipëri, Maqedoni dhe Kosovë. Zyra e saj mblodhi në Sofie, partnerët rajonalë, disa prej të cilëve u vlërësuan edhe me çmime.

Në një intervistë për Businessmag, Changarova tha se, “në pesë vitet e fundit, teknologjia po kërcen me shpejtësi dhe në shumë raste nuk jemi as të përgatitur për një amplitudë të tillë. Në këtë erë të re, nga njëra anë, të gjithë ne, si kompani dhe njerëz kemi më shumë mundësi se kurrë. Falë teknologjisë mund të jemi kudo dhe mund të shkëmbejmë informacion menjëherë pa ndërprerje. Kjo po ndryshoh modelin e biznesit, marrëdhëniet”.

Sipas saj, një prej sfidave më të mëdha është siguria kibernetike. Ndaj kryefjalë në bisedën me partnerët është besimi. “Sot lidhjet janë më të gjëra se kurrë dhe do të shtrihen edhe më tej. Lidhjet mes kompanive, kompanive dhe njerëzve, apo mes njerëzve. Është e nevojshme që teknologjia të na lidhë, por në një formë të sigurt. Në këtë rast vlen më shumë se kurrë ofrimi i besimit”, thotë ajo.
Pikërisht aty ku lindin pikëpyetje, janë edhe përgjigjet. Ndaj sipas Changarovës, “teknologjia duhet të na ndihmojë të ndërtojmë besimin. Nëse jemi një kompani apo person, duhet të mund të besojmë në ndarjen e të dhënave. Diçka që mund të rregullohet me normat e  reja të GDPR dhe gjetjet e kompanive në drejtim të sistemeve më të sigurta.

Përfaqësuesja e rajonit thotë se, “ne po punojmë me teknologji të frymëzuar nga quantum computing technologies. Shoqëria ka nevojë që çështjet të zgjidhen. Flasim edhe për raste kur pajisjet përdoren për kërkime shkencore. Ne po sigurojmë një shpejtësi në llogaritjen dhe ofrimin e rezultatit. Ne kemi njësi ku kombinojmë çdo desktop dhe plotësojmë të gjitha zgjedhjet në data center dhe mundësojmë që të dhënat të jenë të mbrojtura”. Fujitsu PalmSecure është një produkt i Fujitsu që edhe pse prej kohësh, ka marrë vëmendje së fundi.

BNT Electronics, kontributori më i madh i brandit për rajonin

BNT Electronics, e cila operon prej mbi 20 vitesh në Shqipëri mori çmimin si kompania me kontributin më të madh ndaj brandit këtë vit. Select Awards për distributorët, partnerët apo klientët bëhet çdo vit nga Fujitsu, çmimet jepen për kompleksitetin e projektit, rritjen apo edhe zhvillime të tjera.

“Çmimi i BNT electronics, ishte kontributi më i madh ndaj brandit, çka nënkupton ndërgjegjësimin për brandin, aplikimin dhe adaptimin e teknologjisë, përqasjen në tregun shqiptar”, thotë Kristi Bojdani, menaxher projektetsh pranë BNT.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0