Franca ndalon gotat, pjatat dhe enët e tjera plastike

Franca ka pranuar një ligj të ri për t’u siguruar se të gjitha gotat, pjatat dhe objekte të tjera plastike të bëhen nga materiale biologjike dhe që mund të dekompozitohen.

Ligji, i cili hyn në fuqi në vitin 2020 është pjesë e Tranzicionit të Energjisë për ‘Rritjen e Gjelbër’ – një plan ambicioz që synon të lejojë Francën të japë një kontribut më efektiv në trajtimin e ndryshimit të klimës.

Edhe pse organizatat ekologjike janë në favor të ndalimit, të tjerë argumentojnë se ajo ka shkelur rregullat e Bashkimit Europian mbi lëvizjen e lirë të mallrave.

‘Pack2Go Europe’, një organizatë me bazë në Bruksel që përfaqëson prodhuesit e paketimeve europiane, thotë se do të vazhdojë të luftojë ligjin e ri dhe shpreson se nuk do të përhapet në pjesën tjetër të kontinentit.

“Ne po i kërkojmë Komisionit Evropian të bëjë gjënë e duhur dhe të ndërmarrë veprime ligjore kundër Francës për shkeljen e ligjit Europian”, ka thënë sekretari i përgjithshëm i Pack2go Europe Eamonn Bates për ‘The Associated Press’. “Nëse ata nuk e bëjnë, do t’a bëjmë ne.”

Z. Bates beson se nuk ka prova që materialet biologjike janë më të dobishme për mjedisin dhe se ndalimi mund t’a bëjë situatën edhe më keq dhe njerëzit mund të keqkuptojnë shkallën e dekompozimit.

“Ndalimi do të kuptohet nga ana e konsumatorëve, që do të thotë se është në rregull për të lënë këtë paketim prapa, pas përdorimit, sepse është e lehtë të dekompozohet në natyrë. Kjo nuk ka sens! Ajo mund edhe t’a bëjë problemin më keq,” shtoi ai .

Burimi: The Independent