Kryeministri francez, Edouard Philippe, njoftoi se vendi tij po kalon në fazën e dytë të lehtësimit gradual të masave dhe se zona e Parisit, nuk konsiderohet më një “zonë e kuqe” për përhapjen e koronavirusit.
Philippe shtoi se rreziku ekziston ende për 67 milionë qytetarë francezë dhe pasi të lehtësohen masat, qeveria do t’i kushtojë vëmendje të veçantë të dhënave të autoriteteve shëndetësore.
“Shumica e ngjarjeve sportive do të mbeten të pezulluara deri më 21 qershor, kinematë do të hapen më 22 qershor dhe shteti do të shpejtojë një plan për hapjen e shkollave të mesme në të gjithë vendin”, tha Philippe.
Lexoni: Konfindustria: hapja e ekonomisë e vonuar
“Kufijtë me shtetet europiane do të hapen më 15 qershor”, tha më tej ai. Restorantet, kafenetë dhe plazhet do të jenë të hapura nga 2 qershori. Qasja në plazhe, liqene dhe lumenj do të lejohet plotësisht, tha Z. Philippe.
Më shumë se 28.500 njerëz kanë vdekur në Francë nga efektet e sëmundjes COVID-19, që e shkakton koronavirusi i ri. Deri më tani, numri i përgjithshëm i të infektuarve ka arritur në më shumë se 182,000.
Cili është statusi i Parisit?
“Kryeqyteti tani konsiderohet si një zonë “portokalli” në hartën e rrezikut nga koronavirusi”, tha z. Philippe. Pothuajse të gjitha rajonet e tjera franceze kanë status “të gjelbër”, që do të thotë se kanë lehtësim masash.
Në rajonin e Parisit, lehtësimi i kufizimeve do të jetë më i kujdesshëm, tha z. Philippe. Si rezultat, institucionet e ngrënies dhe pirjes në qytet do të jenë në gjendje t’u shërbejnë klientëve në ambiente të jashtme.
Po për pjesën tjetër të vendit?
Kafenetë, baret dhe restorantet do të rihapen me kufizime nga java e ardhshme. Stafi duhet të veshë maska dhe klientët gjithashtu duhet të mbajnë maska kur lëvizin përreth.
Duhet të ketë një distancë prej një metri midis tavolinave dhe jo më shumë se 10 njerëz mund të ulen në një tryezë.
“Ne jemi në një situatë më të mirë se sa kishim parashikuar,” shtoi ai.
Stafi që punon në spitalet publike dhe shtëpitë e kujdesit në rajonet më të goditura nga COVID-19, do t’ju paguhet një bonus prej 1.500 € dhe Z. Philippe gjithashtu ka premtuar rritje të mëtejshme të pagave, si pjesë e reformave të planifikuara të kujdesit shëndetësor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
