Konfindustria e ka cilësuar si të vonuar vendimin e qeverisë për hapjen e ekonomisë së vendit me 1 Qershor.
Sipas saj, ky vendim i vonuar për t’u dhënë fund masave kundër Covid ka shkaktuar rritje të paarsyeshme të dëmeve ekonomike dhe financiare. Vetëm në periudhën mars-prill keqmenaxhimi i krizës ka shkaktuar një dëm financiar që llogaritet të paktën 350 milionë dollarë.
Në njoftimin e saj publik, “Konfindustria vlerëson, se masat shtrënguese jopërpjestimore me shkallën e rrezikut real shëndetësor në vend dhe sidomos vonesat e paarsyetuara të kalimit në normalitet, kanë shkaktuar rritjen e paarsyetuar të faturës financiare në dëm të bizneseve, qytetarëve dhe ekonomisë kombëtare në afatgjatë.
Lexo: Nga 1 qershori do të lejohet lëvizja e automjeteve në të gjithë vendin
Sipas vlerësimeve krahësimore me vende të tjera të Rajonit, keqmenaxhimi i krizës ka prodhuar një dëm financiar në të paktën 350 milionë dollarë të llogaritur vetëm për muajt Mars-Prill 2020. Në vlerën e mësipërme nuk janë llogaritur dëmet financiare të shkaktuara nga vonesat e kalimit në normalitet në muajin maj në vazhdim.
Në kërkesën e saj të mëparshme, për hapjen sa më shpejt të ekonomisë, Konfindustria ka vlerësuar, se fatura financiare e krizës Covid për ekonominë formale në muajt Mars-Prill është mbi 1.2 miliardë dollarë dhe për ekonominë reale mbi 2 miliard dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
