Forumi i Davosit mbyll punimet, formohet koalicioni “Misioni i mundur”

Pandemia e koronavirusit dhe pasojat e saj, ishin në qendër të Forumit Ekonomik Botëror të Davosit, që filloi më 25 e përfundoi më 29 janar. Kësaj here, qyteti i njohur zviceran, ku mblidhen të mëdhenjtë e botës, nuk do të presë askënd, pasi takimi u mbajt virtualisht, për shkak të masave kundër Covid-19. Pjesëmarrësit u përpoqën të jepnin përgjigje konkrete për tema jetësore si shpërndarja e drejtë e vaksinave, përballimi i varianteve të reja të koronavirusit dhe frenimi i krizës globale ekonomike.

Gjatë punimeve u formua koalicioni ‘Mission Possible’, ku janë përfshirë 400 kompani, ndër klientë, prodhues, banka, aksionerë dhe autoritete. Qëllimi është të përshpejtohet ulja e çlirimit të karbonit nga industria e rëndë dhe ajo e transporteve, që janë edhe dy sektorët që ndikojnë më tepër në nivel botëror në ndryshimet klimatike.

Ky koalicion është mbështetur nga emra të njohur, si Bezos Earth Fund dhe Breakthrough Energy, lind pas idesë dhe kërkesës së sekretarit të përgjithshëm të OKB, Antonio Guterrez, në samitin e klimës në vitin 2019, i cili kërkoi krijim politikash dhe zbatim më rigorozitet për uljen e çlirimit të dioksidit të karbonit nga 7 sektorët industrialë.

Lajmi u bë i ditur nga WEF, një nga 4 partnerët kryesorë të këtij Partnership me rastin e punimeve të forumit ekonomik e politik ndërkombëtar Davos 2021. Temat kryesore në axhendën e World Economic Forum, ku vendosen fatet e botës, janë: si të shpëtohet Toka, politika ekonomike më të drejta, zhvillimi teknologjik, shoqëria dhe puna e së ardhmes, përmirësimi i botës së biznesit, përmirësimi i sistemeve shëndetësore, eliminimi i pabarazive dhe bashkëpunim mes shteteve.

Një ditë pas fillimit të Forumit të Davosit, në Riad të Arabisë Saudite filloi një takim tjetër i rëndësishëm. Është fjala për edicionin e katërt të Fund Investment Initiative (Nisma e Investimit të Fondeve), i ashtuquajturi “Davos i shkretëtirës”. Në takimin e parë të këtij lloji në kryeqytetin e mbretërisë saudite, në vitin 2017, u mblodhën 3.800 ekspertë, sipërmarrës dhe përfaqësues financiarë nga 90 vende, të cilët diskutuan për ato zhvillime ekonomike, që nuk bazohen vetëm në përdorimin e naftës.

ANSA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale