Nevoja për më shumë profesionistë u theksua në Konferencën Kombëtare për Arsimin dhe Formimin Profesional. Mundësitë që ofron tregu kanë nxitur regjistrimet në shkollat profesionale për vitin akademik 2023-2024, duke e rritur numrin e tyre me 11% krahasuar me një vit më pare. Kjo e fundit u theksua nga ministri i Ekonomisë, Kulturës dhe Inovacionit, Blendi Gonxhja, në fjalën e tij gjatë konferencës.
Hoteleri-Turizëm është dega më e preferuar, e ndjekur nga Teknologjia e Informacionit. Ministri tha se janë punësuar 60% e nxënësve të diplomuar.
Ai theksoi se “Arsimi dhe formimi profesional ofrohet nga 29 shkolla profesionale dhe 10 qendra të formimit profesional në të gjithë vendin. 14,700 nxënës ndjekin arsimin e mesëm profesional publik për vitin shkollor për vitin 2023-2024. Janë regjistruar për herë të parë, 4709 nxënës, 11% më shumë se një vit më pare”.
Programet më të kërkuara për vitin 2024, janë hoteleri turizëm, teknologji informacioni. 8 ofrues ofrojnë edhe kualifikime profesionale. 60% e nxënësve që janë diplomuar, janë punësuar.
Nga qendrat e formimit profesional, janë ofruar 71 kurse të formimi profesional, janë regjistruar 15 mijë kursantë.
Megjithatë, sipërmarrjet shqetësohen për mungesën e fuqisë punëtore. Për më tepër, kostot e rritura kanë bërëe që të ulen shpenzimet për trajnimin dhe shpërblimin e stafit.
Sipas INSTAT, në vitin 2022, bizneset në të gjithë vendin i ulën shpenzimet për trajnimin dhe shpërblimin e punonjësve me rreth 20% në krahasim me vitin 2021.
INSTAT thekson se bizneset shpenzuan 1,7 miliardë lekë për trajnime dhe shpërblime gjatë 2022, nga rreth 2,2 miliardë lekë të shpenzuara në 2021. Kjo shumë përkon mesatarisht me 0.05% të xhiros vjetore.
Kryeministri Edi Rama ka theksuar gjate eventit se nevojitet kualifikimi i duhur i punonjësve për t’ju përshtatur industrisë së turizmit, duke theksuar se Shqipëria duhet të përgatitet për t’iu përgjigjur kërkesës së lartë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
