Shefi i divizionit të Ford EV në Evropë, Martin Sander, postoi një video të shkurtër në Twitter, ku shihet shefi i projektimit Amko Leenarts. Leenarts është filmuar në mes të bisedës dhe më pas heq kapakët duke treguar vetëm pak nga modeli i ardhshëm që do të prezantohet.
Data e zbulimit është konfirmuar si 21 Mars, ndërs kompania ka fillaur marketingun duke shfaqur imazhe nga modeli i ri.
Crossoveri i ri EV bazohet në platformën MEB që është shpikur dhe patentuar nga Volkswagen dhe pritet të jetë i ngjashëm në përmasa me VW ID.4, megjithëse forma do të jetë shumë më aventureske.
Ford pretendon se makina e re elektrike do të jetë “rebele dhe pa kompromis – një SUV i ri-imagjinuar për epokën e makinave elektrike”.
Ford do të ketë një zgjedhje midis dy baterive me kapacitet 55 kWh ose 77 kWh.
Sa i përket kilometrave që mund të përshkojë nuk do të jetë revolucionare, por nuk do të jetë as e tmerrshme – versionet RWD me një motor të vetëm të ID.4 marrin vlerësimin EPA prej mbi 400 km që është më se e mjaftueshme për shumicën e njerëzve. Do të jetë interesante të shihet pjesa e brendshme dhe nëse Ford përdor softuerin e VW-së ose të tijin – kjo mund të jetë një pengesë për shumë njerëz.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
