Ajo çfarë Fondi Monetar Ndërkombëtar kishte sinjalizuar si shqetësim më parë, tashmë është shkruar e zëzë mbi të bardhë. Shqipëria duhet të ndalojë dhënien e koncesioneve me ofertë të pakërkuar, të cilat po krijojnë borxhe në buxhet.
Në një raport kushtuar Shqipërisë, FMN vëren se detyrimet i qeverisë shqiptare dhe pushtetit lokal ndaj bizneseve private ka arritur 200 milionë euro. Rreth dy të tretat e kësaj shume i përkasin qeverisë, ndërsa pjesa tjetër bashkive.
Raporti i FMN-së konfirmon shqetësimin e ngritur nga një grup sipërmarrësish rreth vonesave në rimbursimin e Tatimit mbi Vlerën e Shtuar. Shqetësimi u ngrit gjatë këtij muaji, ku prodhuesit pranuan se ka raste kur rimbursimi është vonuar edhe një vit, kur detyrimi ligjor është vetëm një muaj.
Sipas tabelës së raportit, TVSH e pa rimbursuar është sa gati gjysma e detyrimit. Ekspertët financiarë vërejnë se këto borxhe vënë në vështirësi financiare biznesin dhe ndikojnë negativisht në të gjithë aktivitetin ekomomik. Kujtojmë se pak vite me parë qeveria shqiptare mbylli marrëveshjen e huasë me FMN, ku mori 330 milionë euro për të shlyer borxhet e prapambetura. Një marrëveshje që u shopqërua edhe me masa shtrënguese për ekonominë, si rritje taksash dhe ulje investimesh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
