FMN përgjysmon parashikimin për rritjen ekonomike të Shqipërisë. Vendi më i goditur në rajon - Business Magazine Albania

FMN përgjysmon parashikimin për rritjen ekonomike të Shqipërisë. Vendi më i goditur në rajon

Fondi Monetar Ndërkombëtar në projeksionet e prillit për rritjen ekonomike shprehet se vendi ynë do të marrë goditjen më të fortë nga lufta në krahasim me vendet e rajonit.

Nga 4.5% që ishte parashikimi fillestar në tetor, FMN e ka rishikuar në 2%, me përgjysmim rritjen ekonomike. Ritmet e rritjes pritet të jenë të ulëta edhe në vitin 2023, me 2.8% dhe do të përshpejtohen lehtë në 3.4% deri në vitin 2027.

Ndërkohë për vendet e rajonit, FMN parashikon se Serbia është ajo që do të ndjejë më pak goditjen nga lufta, ndjekur nga Mali i Zi, Maqedonia e Veriut dhe Kosova, ndërsa Bosnja është e parafundit.  Serbia ka një avantazh pasi duke mos vendosur sanksione ndaj Rusisë vazhdon të furnizohet rregullisht me gazin rus me kontrata të paracaktuara dhe të ketë më të stabilizuar situatën energjetike.

Lexo edhe: Moody’s konfirmon vlerësimin “B1″ të ekonomisë shqiptare, por ul parashikimet për rritje

Nga të gjitha parashikimet e institucioneve ndërkombëtare ajo e Fondit Monetar është më pesimistja. Banka Europiane për Rindërtim dhe Zhvillim më herët e ka parashikuar me 3.3% zgjerimin e ekonomisë për këtë vit, ndërsa edhe agjencia Moody’s ka mbetur në të njëjtat nivele.

Në raportin e saj për krizën FMN shkruan edhe se rritja e çmimeve për ushqimet dhe naftën do rrisin perspektivat për trazira sociale në vendet në zhvillim.

Ajo shprehet se qeveritë do të duhet të rregullojnë balancat fiskale dhe të sigurojnë mbështetje për shtresat në nevojë, pa rrezikuar borxhin publik.

Bankat Qendrore nga krahu tjetër duhet të mbajnë inflacionin nën kontroll.  Edhe pse disa Banka i kanë rritur normat e interesit shkruan raporti, ato duhet të vazhdojnë t’i rrisin edhe më tej, në mënyrë që të rrisin besueshmërinë ndaj luftës së inflacionit dhe të parandalojnë një rritje të mëtejshme të tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0