Fondi Monetar Ndërkombëtar përditësoi parashikimin e tij të rritjes ekonomike globale ndërsa paralajmëroi për zgjerimin e pabarazisë dhe mospërputhjes midis ekonomive të përparuara dhe atyre më pak të zhvilluara.
FMN deklaroi në Parashikimin Ekonomik Botëror se ekonomia globale do të zgjerohet 6% këtë vit, nga 5,5% që ishte ritmi i vlerësuar në janar.
Kjo do të ishte rritja më e lartë në katër dekada që vjen pas një tkurrjeje prej 3.3% të vitit të kaluar e cila ishte rënia më e ndjeshme që nga koha e Depresionit të Madh.
FMN nënvizoi që bankierët qendrorë duhet të japin udhëzime të qarta mbi politikën monetare për të minimizuar rrezikun e flukseve që mund të dëmtojnë kapitalin.
Fondi përsëriti sërish thirrjen e tij drejtuar kombeve të pasura që të ndihmojnë vendet e varfra në luftën kundër Covid-19 si dhe theksoi nevojën për t’i dhënë përparësi shpenzimeve të kujdesit shëndetësor në mënyrë që pandemia të mposhtet.
Paketa stimuluese e Presidentit Joe Biden me 1.9 trilion dollarë e miratuar muajin e kaluar, do të ndihmojë në rritjen e produktit të brendshëm bruto të SHBA-së mbi nivelin e tij para-pandemik këtë vit dhe do të ketë efekte të konsiderueshme pozitive për partnerët tregtarë.
Për vitin 2022, fondi parashikon një rritje prej 4.4% më e lartë se 4.2% e parashikuar më parë.
Megjithatë, Fondi theksoi se shumë ekonomi të përparuara nuk do të kthehen në nivelet e tyre të prodhimit para-pandemike deri në 2022 dhe se ekonomitë e tregut në zhvillim mund t’i rikuperojnë nivelet e tyre në vitin 2023.
Ekonomia botërore në 2024 do të jetë rreth 3% më e vogël sesa parashikohej para shpërthimit të Covid-19.
Fokusi i takimeve të FMN këtë javë do të jetë emetimi i propozuar prej 650 miliardë dollarësh i aktiveve rezervë, që njihen si “të drejtat speciale” dhe kanë si qëllim rritjen e likuiditetit global dhe ndihmën e vendeve me të ardhura më të ulëta me borxhin e tyre dhe kostot që lidhen me Covid-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
