TIRANE – FMN takon te parin Gent Sejkon, guvernatorin e Bankes se Shqiperise. Ne nisje te takimeve per rishikimin e katert te marreveshjes trevjeçare, Fondi Monetar Nderkombetar i ka kushtuar rendesi te madhe njohjes se strategjise qe do te ndjeke pasardhesi i ish-guvernatorit Fullani, i cili eshte nen hetim. Gjate ketij takimi, guvernatori Sejko i njohu perfaqesuesit e FMN me zhvillimet e fundit ekonomike dhe financiare ne vend.
Ai u ndal veçanerisht ne trajtimin e sfidave kryesore me te cilat perballet ekonomia shqiptare: kuadrin e politikave makroekonomike dhe reformave strukturore te nevojshme per te nxitur rritjen ekonomike; identifikimin e masave per nxitjen e kreditimit dhe forcimin e stabilitetit financiar. Guvernatori Sejko theksoi vullnetin e Bankes se Shqiperise per te respektuar detyrat e saj ligjore, per te forcuar rolin e mbikeqyrjes bankare; per te rritur me tej transparencen e politikave dhe komunikimin, si dhe per te bashkepunuar me te gjithe autoritetet vendore dhe partneret nderkombetare ne adresimin e çeshtjeve te stabilitetit dhe te zhvillimit ekonomik.
Nga ana e tij, shefi i misionit te FMN, Ilahi, ritheksoi rolin e rendesishem qe luan Banka e Shqiperise ne ruajtjen e stabilitetit ekonomik dhe financiar ne vend, si dhe shpalosi çeshtjet prioritare, te cilat do te jene ne fokus te ketij rishikimi periodik te marreveshjes. Ai shprehu gjithashtu besimin e plote ne profesionalizmin e Bankes se Shqiperise dhe theksoi gatishmerine per te asistuar me tej Banken e Shqiperise ne fushen e zhvillimit te saj institucional. Ne takim mori pjese edhe perfaqesuesi i perhershem i FMN ne Shqiperi, Jens Reinke. Pas miratimit te kalimit te kestit te dyte dhe te trete te kredise ne fund te muajit shkurt, u hap rruga per rishikimin e katert. Ekipi i kryesuar nga Shefi i Misionit per Shqiperine, Nadeem Ilahi, do te analizoje te gjithe sistemin e financave publike. Fillimisht, ata jane konsultuar me zyren perfaqesuese ne Shqiperi, qe kryesohet nga Jens Reinke, me pas kane nisur takimet ne terren me autoritetet shqiptare. Ne keto takime analizohen zhvillimet e fundit makroekonomike dhe perspektiva e rritjes se PBB-se, bilanci i pagesave, situata e borxhit dhe kushtet fiskale.
Axhenda dyjavore e misionit parashikon takime me Kryeministrin Edi Rama, ministrin e Financave, Shkelqim Cani, ministrin e Ekonomise, Arben Ahmetaj si dhe stafet teknike te ministrive. Ne fund eshte parashikuar nje konference e perbashket e misionit te FMN-se me palen shqiptare, ku do te behet e ditur deklarata e perbashket, nese ajo do te miratohet nga te dy palet. Konkluzionet per rishikimin e katert te programit, sipas kalendarit, duhet te miratohen nga bordi ekzekutiv i FMN me 15 prill 2015.
Gazeta Shqip
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
