Fondi Monetar Ndërkombëtar ka kritikuar sërish sistemin tatimor shqiptar për nivelin e ulët të mbledhjes së të ardhurave .Në një raport të fundit Fmn bën apel që të rishikohen përjashtimet e taksave por mbi të gjitha të krijohet një sistem tatimor i drejtë dhe efikas.
Ekonomia shqiptare thuhet në raport ka një nivel të lartë informaliteti që vlerësohet deri në 40 % dhe një sistem më i thjeshtë tatimor do të lehtësonte administrimin e të ardhurave.
‘Sistemi tatmor aktual është kompleks dhe i fragmentuar. Përjashtimet dhe trajtimet përfituese për tatimpagues të ndryshëm ,grupet dhe sektorët janë përhapur në vite si përgjigje ndaj presioneve nga grupe të ndryshme .Kjo ka krijuar vështirësi me administrimin, duke cënuar stabilitetin dhe transparencën e sistemit. Një sistem tatimor më i drejtë, më efikas, më i thjeshtë dhe më transparent mund ta bënte Shqipërinëmë tërheqëse për investimet e huaja, duke nxitur edhe aktivitetin e brendshëm ekonomik”.
Në analizën e fundit Fondi monetar Ndërkombëtar ka konstatuar edhe ndërhyrjet që duhet të bëhen në disa taksa pasi kjo do të ndikonte direkt në rritjen e të ardhurave.ndryshimi që do të kishte impaktin më të madh konsiderohet taksimi i të vetëpunësuarve.
Në lidhje me këtë kategori FMN sygjeron qeverinë shqiptare që të vetëpunësuarit të përfshihen në regjimin e tatimit mbi të ardhurat personale dhe mos të trajtohen si biznes i vogël. Pas saj renditet taksa e pronës, ndikimi i së cilës përkthehet në 0.3% të Prodhimit të Brendshëm Bruto si dhe taksat e mjedisit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
