Finalizohet kontrata e TAP me qeverinë shqiptare - Business Magazine Albania

Finalizohet kontrata e TAP me qeverinë shqiptare


“Ajo çfarë kishim firmosur më parë nuk ishte e mjaftueshme. Na duhej një mirëkuptim lokal dhe kombëtar për ndërhyrjet që po bëjmë. Qeveria, në këtë fazë ka luajtur një rol thelbësor, ku përcolli te ne kërkesat e çdo zone, ku ne do të ndërhyjmë”, tha Ian Bradshaw, drejtor menaxherial i “TAP”-it.

Kontrata e “TAP” me Shqipërinë është shumë e ndryshme nga ajo me Greqinë, vendin ku gazsjellësi kalon para se të hyjë në territorin tonë. Për muaj të tërë është negociuar për të përafruar përfitimet.

“Ne kishim një detyrim, që kushtet e kontratës, përfitimet e popullit shqiptar të ishin njësoj si ato të grekëve. Tani jemi në përfundim të negociatave dhe mund të them se të dyja palët po bashkëpunojnë ngushtë. Unë pres që brenda ditëve apo javëve të ardhshme, çdo gjë të mbyllet”, tha më tej Ian Bradshaw.

Ndërkohë, brenda këtij viti do të publikohet masterplani i gazifikimit, pas të cilit pritet të zhvillohet një studim fizibiliteti, që do të vendosë se në cilat zona mund të krijohet një sistem i shpërndarjes së gazit për qytetarët.

Burimi: top-channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0