“5S”, metodë japoneze, prej kohësh është përhapur në të gjithë botën dhe nuk ka shkollë për formimin dhe inovacionin që të mos parashikojë zhvillimin e të paktën një kursi.
Metoda “5S” është një proçedurë e thjeshtë për të përmirësuar rutinën tuaj në vendin e punës. Çfarëdo lloj pune që të bëni. Udhëzimet janë të thjeshta, por vështirësia qëndron te vazhdimësia.
Megjithatë, ia vlen përpjekja, si për ata që duan të kenë më shumë produktivitet në punë, si për ata që duan të kenë më shumë kohë të lirë. Ose edhe për të rritur inovacionin dhe kreativitetin.
Seiri (Sort) – Është e para dhe më e rëndësishmja. Anglezët i thonë “Sort”. Seiri do të thotë të përzgjedhësh dhe të eliminosh nga vendi i punës çfarëdo lloj gjëje që nuk është e dobishme për kryerjen e punës. Zbatimi i duhur i kësaj pike redukton problemet dhe shpërqendrimet gjatë punës, rrit cilësinë e produkteve dhe produktivitetit.
Seiton (Set in order)- Është riorganizimi në mënyrë efikase i mjeteve, pajisjeve, materialeve, gjithçka është e dobishme për të punuar mirë. Anglezët e quajnë “Set in order”. S-ja e dytë është mjaft e rëndësishme, pasi eliminon shpërdorimin e kohës gjatë zhvillimit në aktivitetet prodhuese.
Seiso (Shine) – Ka të bëjë me kontrollin e rendit dhe pastërtisë. Anglezët e quajnë “Shine”. Çrregullimi fsheh jo-efikasitetin, pastrimi nuk është një humbje kohe, por një mënyrë që përmirëson humorin dhe cilësinë e punës.
Siketsu (Standardize) – Është një koncept që i referohet standardizimit, në anglisht “Standardize”, të procedurave. Të zgjedhësh e të ndash, të sistemosh dhe të organizosh, të kontrollosh rendin dhe pastërtinë. Qëllimi kryesor i standardizimit është shmangia e mungesës së zbatimit të tre proçcseve të mëparëshme, me qëllim që të bëhen një zakon i përditshëm dhe të ruhen dhe të përmirësohen me kohë.
Shitsuke (Sustain) – Si të mbash dhe përmirësosh standardet. Anglezët përdorin termin “Sustain”. Në muzikë është aftësia e një instrumenti për të ruajtur tingullin në kohë. Në praktikë, kjo do të thotë që S-ja e pestë, Shitsuke është me e rëndësishmja nga të gjitha. Katër të parat janë të dobishme, por nëse nuk vijojnë, nuk kanë vlerë.
Për këtë metodë duhet vullnet, por përfitimet janë më të mëdha në kosto: ju do të punoni më mirë dhe produktiviteti dhe kreativiteti juaj do të rriten.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English