Fillojnë aplikimet për Fondin e Programit për Bujqësinë dhe Zhvillimin Rural

Fillojnë aplikimet për Fondin e Programit për Bujqësinë dhe Zhvillimin Rural

Bujqësi dhe Zhvillim Rural

Më datë 29 Maj u hapën aplikimet për të gjithë fermerët në Republikën e Shqipërisë për përfitimin nga Fondi i Programit për Bujqësinë dhe Zhvillimin Rural. Skema këtë vit përbëhet nga 7 masa ku prioritet është sektori i blegtorisë, i cili përfiton nëpërmjet 2 masave te ndryshme.

Arsyeja pse qeveria ka vendosur fokusin e saj në sektorin blegtoral është pasi censusi i zhvilluar nga Ministria e Bujqësisë në 2019, tregoi nje rënie të numrit të krerëve të imta në vend ndaj dhe skema këtë vit është orientuar drejt nxitjet së interesit të fermerëve në fushën e blegtorisë. Parashikohet që vitin e ardhshëm ky sektor do të marrë një mbështeteje edhe më të madhe.

Blegtoria

Te gjithe blegtorët, që posedojnë një numër më të lartë se 70 krerë te imta do të mund të përfitojnë 1200 lek për krerë dhe shuma totale shkon deri në 360000 lek, ndërsa blegtorët, që posedojnë jo më pak se 5 krerë lopë përfitojnë 10000 lek për lopë, por totali nuk i kalon 500000 lek.

Bletaria

Bletërritësit do të mund të pëfitojnë 1 000 (një mijë) lekë për zgjua, për ferma me jo më pak se 50 (pesëdhjetë) zgjoje, por jo më shumë se 150 000 (njëqind e pesëdhjetë mijë) lekë për subjekt.

Plastmasi termik për serrat diellore

Risi në skemën e këtij viti është masa e përfitimit për zëvendësimin e plastmasës termike për serrat diellore ekzistuese për prodhimin e perimeve, rrushit për tavolinë dhe tunelet plastike për prodhimin e luleshtrydhes në vlerën respektive 300 000 (treqind mijë) lekë/ha dhe 100 000 (njëqind mijë) lekë/ha, por jo më shumë se 500 000 (pesëqind mijë) lekë për subjekt. Kjo masë nuk mbulohet nga skema e IPARD.

Masa të tjera

Gjithashtu masat të tjera do të aplikohen për agroturizmin, fermat organike dhe certifikimi Global G.A.P, e cila është një certifikatë, që u mundëson produkteve bujqësore shqiptare të tregtohen jashtë vendit. Skema kombëtare mbështet deri në 80% procesin e certifikimit Global G.A.P. Interesi i qeverisë shqiptare është eksporti ndaj ky certifikim merr një rëndësi të madhe ndaj po mbështetet si nga qeveria edhe nga fermerët pasi është lehtësi për ta dhe garanci për blerësit e huaj.

Lexoni: Rikthehet Albanian ICT Awards, 4 qershori afati i fundit i aplikimeve

Fondi i Programit për Bujqësinë dhe Zhvillimin Rural është komplementare me skemën IPARD. Interesi ka qenë i madh nga fermerët, të cilët në aplikimet e tyre do të asistohen dhe nga pushteti vendor, Ministria e Bujqësisë, AZHBR në mënyrë që të mos kenë asnjë vështirësi gjatë plotësimit të dokumentacionit të kërkuar dhe kritereve që duhet përmbushen.

Aplikimi do të kryhet online nga portali e-Albania ndaj dhe transpareca do të jetë më e madhe për aplikuesit.

Afati i fundit per aplikime është data 19 Qershor.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0