Dy kompanitë, kanë njoftuar planet e tyre të shkrirjes gati dy javë më parë. Ende nuk ka një emër për kompaninë e re, ndërkohë që prodhuesit e automobilave në Botë po përballen me rënie të kërkesës dhe kosto të mëdha për të zhvilluar modele më të pastra dhe automjete elektrike.
Shkrirja mes Fiat Chrysler dhe grupit PSA synon që përmes bashkimit të teknologjisë të ulë kostot deri në 3.7 miliardë euro në vit. Shkrirja pritet të përfundojë pas rreth një viti e gjysëm sipas kompanive.
Përpara se të realizohet marrëveshja, Dongfeng, aksioneri kinez i Peugeot, firma kineze, do të ulë peshën e tij të aksioneve, duke i shitur pjesën tjetër të aksioneve grupimit të aksionerëve. Te grupi i ri, kompania kineze do të mbajë 4.5% të aksioneve.
Palët e çdo grupi do të mbajnë 50% të entitetit të ri. Të ardhurat pritet të jenë 170 miliardë euro, me një fuqi punëtore prej 400 mijë veta dhe me aftësinë për të investuar në teknologji të reja për të sjellë automjetet e së ardhmes.
Lexo: A do të shkrihet Chrysler në takimin e radhës të bordit të FCA?
Peugeot dhe Fiat kanë konfirmuar se kompania e re do të ketë një bord prej 11 anëtarësh, ku 5 do të zgjidhen nga Peugeot dhe 5 të tjerë nga Fiat. Shefi i Peugeot, Carlos Tavares, do të jetë ekzekutivi i kompanisë së re për një mandat 5-vjeçar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
