Deri në 44 milionë përdorues të Facebook në Mbretërinë e Bashkuar mund të ndajnë 2.3 miliardë paund dëmshpërblim, sipas një eksperte që synon të padisë kompaninë.
Dr. Liza Lovdahl Gormsen pretendon se Meta “ka abuzuar me dominimin e saj në treg” për të vendosur një “çmim të padrejtë” për përdorimin falas të Facebook me të dhënat personale të përdoruesve në Mbretërinë e Bashkuar.
Ajo synon ta çojë çështjen në Gjykatën e Apelit të Konkurrencës. Një përfaqësues i Meta tha se përdoruesit kishin “kontroll të plotë” të informacionit që shpërndanin.
‘Fitime të tepërta’
Facebook “abuzoi me dominimin e tij në treg për të vendosur kushte të padrejta ndaj britanikëve, duke marrë fuqinë për të shfrytëzuar të dhënat e tyre personale”, thotë Dr. Lovdahl Gormsen.
Këto të dhëna, të mbledhura midis 2015 dhe 2019, siguruan një pamje shumë të detajuar të përdorimit të të dhënave të britanikëve në internet, duke ndihmuar kompaninë të merrte “fitime të tepërta”.
Megjithatë, në nëntor, Gjykata e Lartë e Mbretërisë së Bashkuar hodhi poshtë një kërkesë për miliarda paund dëmshpërblim nga Google mbi gjurmimin e pretenduar të paligjshëm të miliona iPhone-ve, Google tha se çështja ishte adresuar një dekadë më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
