Facebook në një bashkëpunim të ri me bankat
Përditësuar së fundmi: 07/08/2018

Facebook në një bashkëpunim të ri me bankat

Share
nga Neada Muçaj
Gus 07, 2018

Facebook kërkon që më shumë banka t’i bashkohen Messenger-it dhe të ndajnë aty të dhënat financiare të përdoruesve të tyre.

The Wall Street Jorunal raporton se, Facebook po kërkon nga bankat informacione lidhur me kartat e kreditit dhe balancat e llogarive të përdoruesve. Këto të dhëna do të përdoren nga Messenger si opsione të reja për të njoftuar përdoruesin për veprimtaritë e ndryshme në llogarinë e tij.

Kjo ide lindi për të lehtësuar komunikimin me bankën, gjë që fizikisht kërkon më shumë kohë dhe durim.

“Ne nuk do ta përdorim këtë informacion përtej asaj që duhet për të ofruar shërbimin e klientit. E kemi të qartë se pjesa më kritike e këtij bashkëpunimi, është të ruajmë informacionin dhe t’i bëjmë njerëzit të ndjehen të sigurt”, tha Facebook nëpërmjet një deklarate zyrtare.

Përfshirja e informacionit financiar të një përdoruesi në Messenger do t’i lejonte bankat të ofronin shërbimin e klientit nëpërmjet platformës, siç bëjnë tashmë disa kompani të kartës së kreditit, tha Facebook.

/CNBC