Facebook më pranë e-commerce; Blen një startup të ri


Facebook ka blerë GrokStyle, një startup që përdor IA për t’ju ndihmuar të blini mobilje dhe sende të tjera për shtëpinë.
Kjo është lëvizja më e fundit që rrjeti social po përdor për të hyrë më thellë në e-commerce në vitin 2019.

Zëdhënësja e Facebook Vanessa Chan konfirmoi blerjen duke thënë: “Ne jemi të lumtur për të mirëpritur GrokStyle në Facebook. Ekipi dhe teknologjia e tyre do të kontribuojnë në aftësitë tona të IA”.

GrokStyle, e themeluar në vitin 2016 sipas CrunchBase, është një startup në San Francisko i specializuar në kërkimin vizual. Kompania është e njohur për teknologjinë që lejon blerësit të kërkojnë mobilje dhe sende të tjera duke bërë fotografi me telefonat e tyre. Vitin e kaluar, kompania u bashkua me Ikea në aplikacionin e saj për mobiljet në realitet virtual.

Ende nuk është e qartë saktësisht se çfarë do të bëjë ekipi i Facebook brenda GrokStyle. Por është një tjetër shenjë e mundshme që Facebook ka në plan të futet më thellë në dimensionin e blerjeve.

Kompania ka shtuar në mënyrë të vazhdueshme opsionet e blerjeve në Instagram, por nuk ka treguar shumë për përvojat e ngjashme blerjes në aplikacione të tjera.

Facebook po ndërton platformën e vet të realitetit të shtuar, duke përfshirë opsione të blerjes së karakteristikave të realitetit të shquar në Messenger.

/Mashable

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale