Facebook tha se ishte i hapur për teknologjitë e reja, por tani ai ndjen se duhet të mbrojë përdoruesit e tij.
Facebook njoftoi se do të bllokojë të gjitha reklamimet që promovojnë monedhat virtuale.
Përmes një komunikimi zyrtar, kompania e Mark Zuckerberg thotë se mbetet e hapur si platformë promovuese ndaj risive teknologjike, por shton se “disa kompani” në fushën e monedhave virtuale kanë abuzuar me reklamimin në këtë rrjet social.
Në vetëm pak muaj një valë e madhe monedhash virtuale promovojnë veten e tyre nëpër rrjetet sociale, kryesisht në Facebook, në një përpjekje për të ndjekur gjurmët e BitCoin, që pa një rritje galopante në vlerë.
“Ne duam që përdoruesit tanë të njihen dhe mësojnë për produktet dhe shërbime të reja përmes platformës Facebook pa patur frikën se do të mashtrohen, apo zhgënjehen”, thuhet në deklaratën e Rob Leathern, drejtor i Facebook Business.
Facebook u kërkon përdoruesve që të raportojnë çdo reklamim të dyshimtë, që mund të shpëtojë nga filtri i tij.
/BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English