Facebook i hap luftë Apple. Kjo mund të sinjalizojë fundin e Facebook - Business Magazine Albania

Facebook i hap luftë Apple. Kjo mund të sinjalizojë fundin e Facebook

Facebook

Kjo kompani ka qenë drejt një përplasje madhore prej kohësh.

Facebook ka filluar të duket i dëshpëruar. Gjatë javëve të fundit, rrjeti social më i madh në botë ka vendosur disa reklama me faqe të plota në The Wall Street Journal, The New York Times dhe The Washington Post. Shkrimet sulmuan ndryshimet e reja të privatësisë të bëra nga Apple për të cilat Facebook pretendon se do të demtojnë rëndë bizneset e vogla dhe do të ndryshojë internetin “për keq”. Akti i fundit i dëshpëruar nga Facebook nuk është për t’u habitur. Eshtë kulmi i një serie ngjarjesh të cilat filluan vite më parë dhe po ndërtoheshin për një kohë të gjatë.

Si lëvizi Facebook kaq shpejtë dhe i thyeu gjërat.

“- Lëviz shpejt dhe thyeji gjërat. Nëse nuk je duke thyer gjëra, nuk po lëviz mjaftueshëm shpejt.”- Mark Zuckerberg.

“Lëviz shpejt dhe thyej gjëra.” ka qenë motoja zyrtare e Facebook prej vitesh. Kishte për qëllim të drejtonte dizajnerët dhe menaxherët, por u bë pjesë thelbësore e ADN-së së kompanisë. Epo Facebook-u vërtet lëvizi shumë shpejt dhe thyeu shumë gjëra gjatë rrugës. Kompania thyeu gjëra të rëndësishme si për shembull besimi i përdoruesëve të saj. Shumë prej të cilëve kuptuan se edhe pse produkti i Facebook ishte falas ata po paguanin duke u shndërruar në produkt.

Për shembull, në këmbim të mundësisë për të komunikuar me miqtë e tyre dhe familjet, të pasurit e një faqeje të personalizuar dhe të shikuarit e videove me mace për të qeshur, ata u nxitën të “shesin shpirtin e tyre” në formën e reklamave të personalizuara të cilat Facebook i përdor për të shitur produkte. Ndërkohe që kuptimi i publikut rritej, shumë persona filluan fushatën për të “fshirë Facebook’’. Por Facebook ishte verbuar me rritjen e numrit të përdoruesve për të kuptuar cfarë po ndodhte. Përpos të gjithave kompania i kishte rezistuar cdo skandali. Biliona njerëz vazhduan të përdorin Facebook.

Problem i Facebook është se përditësimi i Apple po fillon të edukojë shumë përdorues për faktin sesa shumë ata po përdoren nga Facebook dhe po e bën shumë më të lehtë për këta përdorues që të tërhiqen nga Facebook.

Fakti që Facebook po Lufton kaq rëndë kundrejt Apple tregon se kompania i druhet një goditje të madhe ndaj biznesit të vet.

 

Çfarë mund të themi për argumentat e Facebook se përditësimi i ri i Apple do të ndryshojë internetin “për keq”?

 

Facebook pretendon se ky ndryshim do t’ju çojë në faqet tuaja të preferuara të gatimit apo të blogjeve sportive të cilat kanë tarifa abonimi “ duke e bërë internetin shumë më të shtrenjtë dhe duke reduktuar faqet të cilat janë falas dhe me cilësi të lartë”.

Por çështja qëndron në faktin që: Modeli falas i internetit është prishur prej vitesh.

Kjo është edhe arsyeja përse pjesa më e madhe e publikimeve në internet janë drejtuar në mënyra të tjera të të bërit para, qoftë nëpërmjet abonimeve, produkteve apo mjeteve të ngjashme.

Me fjalë të tjera Facebook nuk po lufton vetëm Apple-in, por edhe të ardhmen.

Sigurisht që Facebook mundet edhe të përballet me Apple dhe të ardhmen “me kokën lart’’. Mund të pranojë sulmin dhe të përshtasë produktin dhe modelin e tij të biznesit. Në vend të kësaj kompania po humb kohë të çmuar dhe burime duke luftuar kundra politikave të privatësisë së Apple-it , diçka mbi të cilën ata nuk kanë kontroll dhe veshtirë se mund të ndryshojë.

Situata është e qartë: Facebook ka jetuar një botë të sajën gjatë gjithë kësaj kohe. Një botë e destinuar të shkatërrohet.

Por, Zuckerberg duhej ta kishte parashikuar. Nëse dikush duhej të ishte në dijeni, është pikërisht ai.

Kur ti lëviz shpejt, thyhen gjëra.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0