Facebook fshiu postimin e Donald Trump, kishte informacion të rremë

Facebook

Facebook fshiu një video që presidenti Trump postoi në llogarinë e tij të mërkurën. Kompania tha se postimi përmbante ‘pretendime të rreme’ për koronavirusin.

Postimi përmbante një pjesë të intervistës së presidentit Trump në emisionin “Fox & Friends” mëngjesin e së mërkurës, ku ai deklaroi se shkollat mund të rinisin mësimin në klasa pasi fëmijët janë “pothuajse imunë” ndaj COVID-19.

Ndërkohë që ka shumë të panjohura për koronavirusin e ri, fëmijët mund të infektohen me COVID-19 dhe mjekët thonë se janë në gjendje ta përhapin atë te të tjerët, madje edhe pa simptoma.

Lexoni: Instagram prezanton kopjen e Tik Tok

“Kjo video përfshin pretendime të rreme se një grup njerëzish janë imunë nga COVID-19 që është një shkelje e politikave tona rreth dezinformimit të dëmshëm për COVID-in,” tha zëdhënësja e Facebook, Liz Bourgeois në një deklaratë për TechCrunch.

Vendimi për heqjen e videos sinjalizon një drejtim të ri të Facebook, i cili kohët e fundit po ndërmerr hapa shtesë për të distancuar veten nga perceptimi se kompania mbyll një sy ndaj sjelljes së dëmshme të presidentit.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale